بيىل دا بورىشكەردەن اليمەنتتٸ جىلجىمايتىن مٷلٸك نەمەسە كٶلٸك ەسەبٸنەن ٶندٸرٸپ الۋ جالعاسادى. بۇل تۋرالى قر ەدٸلەت مينيسترٸ مارات بەكەتاەۆ ايتتى, دەپ حابارلايدى "ۇلت اقپارات".
«شىنىمەن دە, 2020 جىلى اليمەنت بويىنشا بورىشتى جىلجىمايتىن مٷلٸك جەنە كٶلٸك ارقىلى ٶندٸرٸپ الۋ كٶرسەتكٸشٸ 2 ەسە, كەيبٸر كٶرسەتكٸش بويىنشا 2,5 ەسەگە دەيٸن ٶستٸ. نەلٸكتەن مۇنداي جاعداي ورىن الدى? ٶيتكەنٸ, 2019 جىلى بٸرقاتار ٸس-شارا قابىلدادىق. سول ٸس-شارالار ٶتكەن جىلى اتالعان كٶرسەتكٸشتەرگە قول جەتكٸزۋگە مٷمكٸندٸك بەردٸ. 2019 جىلى ەدٸلەت مينيسترلٸگٸ, جەكە سوت ورىنداۋشىلارى پالاتاسى جەنە وبلىستاردىڭ, نۇر-سۇلتان, الماتى, شىمكەنت قالالارىنىڭ ەكٸمدٸكتەرٸمەن ٷشجاقتى مەموراندۋمعا قول قويىلدى. اتالعان مەموراندۋمدا نەگٸزگٸ ەكٸ باعىت بويىنشا بەلسەندٸ تٷردە ىنتىماقتاستىقتى جولعا قويۋعا ۋاعدالاستىق. بٸرٸنشٸسٸ - بورىشكەرلەردٸڭ قۇرىلعىلارىن انىقتاۋ, ەكٸنشٸسٸ – ولاردى جاۋاپكەرشٸلٸككە تارتۋ», - دەدٸ مينيستر ونلاين باسپاسٶز مەسليحاتى بارىسىندا.
ونىڭ اتاپ ٶتۋٸنشە, بورىشكەرلەردٸ تاۋىپ, ولاردى ەكٸمشٸلٸك جاۋاپكەرشٸلٸككە تارتۋ ٷشٸن ٸشكٸ ٸستەر ورگاندارىنىڭ ٷلكەن قولداۋى قاجەت. مٸنە, وسى تۇرعىدا ەكٸمدٸكتەر ەدٸلەت ورگاندارىنا جان-جاقتى قولداۋ كٶرسەتتٸ.
«بٸزدە بورىشكەرلەردەن بورىنشى ٶندٸرٸپ الۋمەن قاتار ەكٸمشٸلٸك جەنە قىلمىستىق جاۋاپكەرشٸلٸككە تارتۋ كٶرسەتكٸشٸ دە ارتتى. بۇل اقپاراتتاردى بٸز باق-تا جارييالاپ وتىردىق. مەسەلەن, ٶتكەن جىلى نۇر-سۇلتان قالاسىندا بورىشكەردەن سۋ جاڭا تويوتا پرادو كٶلٸگٸ بەرەشەك ٷشٸن ٶندٸرٸپ الىندى. بۇل جۇمىس جالعاسىن تابادى جەنە باسىمدىق سانالادى», - دەدٸ مارات بەكەتاەۆ.
ەستەرٸڭٸزگە سالا كەتسەك, 2020 جىلى اليمەنت تٶلەۋدەن جالتارعانداردان 76 پەتەر مەن 62 كٶلٸك ٶندٸرٸپ الىنعان بولاتىن.
