Foto: Freepik
Batys Qazaqstan oblysynyń Báiterek aýdanynda aliment tóleýden jaltarǵan tulǵa ákimshilik qamaqqa alyndy, dep habarlaidy Ult.kz.
2026 jylǵy 6 qańtarda Báiterek aýdandyq soty aliment tóleý mindetin oryndamaǵan boryshkerge qatysty ákimshilik qamaqqa alý týraly qaýly shyǵarǵan. Sot sheshimine sáikes, atalǵan azamat 2023 jylǵy 9 qańtardan beri aliment tóleýden jaltaryp, jalpy bereshek somasy 3 015 447 teńgeni quraǵan.
Prokýratýra málimetinshe, Báiterek aýdanynda biyl aliment tóleýden jaltarǵan bir boryshkerdiń isi sot óndirisinde qaralyp jatyr. Sonymen qatar taǵy bir derek boiynsha qylmystyq is tergeý satysynda.
Aliment tóleýden jaltarý Qazaqstan Respýblikasynyń Qylmystyq kodeksiniń 139-babyna sáikes qylmystyq jaýaptylyqqa ákep soǵady. Bul bap boiynsha eki jylǵa deiin bas bostandyǵynan aiyrý jazasy kózdelgen. Al Ákimshilik quqyq buzýshylyqtar týraly kodekstiń 669-babynyń 1-bóligine sáikes, jeke tulǵalarǵa 5 ailyq eseptik kórsetkish mólsherinde aiyppul salý, 20 saǵatqa deiin qoǵamdyq jumystarǵa tartý nemese 5 táýlikke deiin ákimshilik qamaqqa alý sharalary qoldanylady.
Prokýratýra ókilderi ata-analardy balany asyrap-baǵý úshin aliment tóleý mindetinen jaltarmaýǵa shaqyryp, árbir ata-ana óz balasynyń aldyndaǵy jaýapkershiligin umytpaýy kerektigin eskertti.
