فوتو: Freepik
باتىس قازاقستان وبلىسىنىڭ بەيتەرەك اۋدانىندا اليمەنت تٶلەۋدەن جالتارعان تۇلعا ەكٸمشٸلٸك قاماققا الىندى, دەپ حابارلايدى Ult.kz.
2026 جىلعى 6 قاڭتاردا بەيتەرەك اۋداندىق سوتى اليمەنت تٶلەۋ مٸندەتٸن ورىنداماعان بورىشكەرگە قاتىستى ەكٸمشٸلٸك قاماققا الۋ تۋرالى قاۋلى شىعارعان. سوت شەشٸمٸنە سەيكەس, اتالعان ازامات 2023 جىلعى 9 قاڭتاردان بەرٸ اليمەنت تٶلەۋدەن جالتارىپ, جالپى بەرەشەك سوماسى 3 015 447 تەڭگەنٸ قۇراعان.
پروكۋراتۋرا مەلٸمەتٸنشە, بەيتەرەك اۋدانىندا بيىل اليمەنت تٶلەۋدەن جالتارعان بٸر بورىشكەردٸڭ ٸسٸ سوت ٶندٸرٸسٸندە قارالىپ جاتىر. سونىمەن قاتار تاعى بٸر دەرەك بويىنشا قىلمىستىق ٸس تەرگەۋ ساتىسىندا.
اليمەنت تٶلەۋدەن جالتارۋ قازاقستان رەسپۋبليكاسىنىڭ قىلمىستىق كودەكسٸنٸڭ 139-بابىنا سەيكەس قىلمىستىق جاۋاپتىلىققا ەكەپ سوعادى. بۇل باپ بويىنشا ەكٸ جىلعا دەيٸن باس بوستاندىعىنان ايىرۋ جازاسى كٶزدەلگەن. ال ەكٸمشٸلٸك قۇقىق بۇزۋشىلىقتار تۋرالى كودەكستٸڭ 669-بابىنىڭ 1-بٶلٸگٸنە سەيكەس, جەكە تۇلعالارعا 5 ايلىق ەسەپتٸك كٶرسەتكٸش مٶلشەرٸندە ايىپپۇل سالۋ, 20 ساعاتقا دەيٸن قوعامدىق جۇمىستارعا تارتۋ نەمەسە 5 تەۋلٸككە دەيٸن ەكٸمشٸلٸك قاماققا الۋ شارالارى قولدانىلادى.
پروكۋراتۋرا ٶكٸلدەرٸ اتا-انالاردى بالانى اسىراپ-باعۋ ٷشٸن اليمەنت تٶلەۋ مٸندەتٸنەن جالتارماۋعا شاقىرىپ, ەربٸر اتا-انا ٶز بالاسىنىڭ الدىنداعى جاۋاپكەرشٸلٸگٸن ۇمىتپاۋى كەرەكتٸگٸن ەسكەرتتٸ.
