QR Premer-Ministri Álihan Smaiylov Qazaqstanǵa jumys saparymen kelgen «Rosatom» memlekettik korporatsiiasynyń bas direktory Aleksei Lihachevpen kezdesti, dep habarlaidy "Ult aqparat" Úkimettiń resmi saityna silteme jasap.
Kezdesý barysynda taraptar energetika salasyndaǵy yntymaqtastyq, sonyń ishinde ýran óndirý jobalary boiynsha ózara is-qimyldy keńeitý máselelerin talqylady.
Osylaisha, Resei tarapynyń eki eldiń energiia qaýipsizdigin nyǵaitý maqsatynda Qazaqstannyń ýran óndirý salasyna odan ári investitsiia salýǵa múddeli ekeni atap ótildi.
Sonymen qatar atom energetikasy salasyndaǵy yntymaqtastyq perspektivalary qaraldy.
Kezdesý qorytyndysy boiynsha Álihan Smaiylov pen Aleksei Lihachev qoldanystaǵy jobalardy tabysty júzege asyrý úshin tyǵyz ózara is-qimyldy jalǵastyrýǵa jáne tiimdi seriktestiktiń jańa baǵyttaryn talqylaýǵa daiyn ekendikterin rastady.
