Sholpan-Ataǵa jumys sapary aiasynda QR Premer-Ministri Álihan Smaiylov Qyrǵyz Respýblikasy Ministrler kabinetiniń tóraǵasy – Prezident Ákimshiliginiń basshysy Aqylbek Japarovpen ekijaqty kelissóz júrgizdi, dep habarlaidy QR Úkimetiniń baspasóz qyzmeti.
Kezdesý basynda Álihan Smaiylov Resei Federatsiiasynyń Ýlianov oblysynda Qyrǵyzstan azamattarynyń kólik apatyna ushyrap, qaza bolýyna bailanysty kóńil aitty.
«Osyndai aýyr kezde qaiǵylaryńyzǵa ortaqpyn, zardap shekkenderdiń tez saýyǵyp ketýin tileimin. Qazaqstan Prezidenti jáne óz atymnan jaqyndarynan aiyrylǵan otbasylarǵa jáne jalpy baýyrlas qyrǵyz halqyna kóńil aitamyn», — dedi Premer-Ministr.
Úkimet basshysy Qyrǵyz Respýblikasynyń baýyrlas el, sondai-aq Qazaqstannyń óńirdegi negizgi saiasi jáne ekonomikalyq áriptesteriniń biri ekenin atap ótti.
«Eki el arasyndaǵy yntymaqtastyqtyń barlyq spektri boiynsha tabysty ózara is-qimyl jolǵa qoiylǵan», — dedi Álihan Smaiylov.
Premer-Ministr osy jyldyń naýryz jáne mamyr ailarynda ótken memleket basshylarynyń kezdesýleri barysynda ekijaqty strategiialyq áriptestiktiń aldaǵy baǵyttary aiqyndalǵanyn eske saldy.
«Bizdiń negizgi maqsatymyz – memleket basshylary qoiǵan mindetterdi tolyq júzege asyrý jáne qazaq-qyrǵyz yntymaqtastyǵyn odan ári nyǵaitý. Atap aitqanda, ózara saýda kólemin 2 milliard dollarǵa deiin ulǵaitý», — dedi Álihan Smaiylov.
Kezdesý barysynda taraptar birlesken indýstriialyq saýda-logistikalyq keshen salý, sondai-aq qorshaǵan ortany qorǵaý, sý-energetika salasyndaǵy ózara is-qimyl máselelerin jáne t.b. talqylady.
