Ushaqtar men olardyń qosalqy bólshekterin áketý merzimin uzartý, EAEO-da jumys izdeý úshin biryńǵai alań qurý, memlekettik satyp alý úshin taýarlardyń shyǵarylǵan elin anyqtaý. Osy jáne taǵy basqa máselelerdi Eýraziialyq ekonomikalyq odaqqa múshe memleketterdiń premer-ministrleriniń orynbasarlary Eýraziialyq ekonomikalyq komissiia keńesiniń onlain otyrysynda talqylady. Qazaqstandyq tarap Premer-Ministrdiń birinshi orynbasary Álihan Smaiylov tóraǵalyǵymen qatysty, dep habarlaidy "Ult aqparat" primeminister.kz-ke silteme jasap.
Jalpy, qatysýshylar halyqaralyq yntymaqtastyq, memlekettik satyp alý, tehnikalyq jáne kedendik retteý salalaryndaǵy 33 máseleni qarady.
Atap aitqanda, EEK Keńesiniń sheshimimen ushaqtar men olardyń qosalqy bólshekterin ýaqytsha áketý merzimi 1 jylǵa deiin uzartyldy, bul shara 2020-2021 jyldar ishinde qoldanylatyn bolady. Búginge deiin buryn jóndeý nemese tehnikalyq qyzmet kórsetý úshin áketilgen ushaqtar men olardyń qosalqy bólshekteri (onyń ishinde qozǵaltqyshtar) qaita ákelý kezinde olardy 6 ai ishinde keri ákelý shartymen kedendik ákelý bajdaryn tóleýden bosatylatyn. Biraq, karantindik shekteýlerdi eskere otyryp, belgilengen merzimde qaitarýdy júzege asyrý qiynǵa soqty. EEK Keńesiniń sheshimimen merzimi 1 jylǵa aiǵa deiin uzartyldy bul shara 2020-2021 jyldar ishinde qoldanylatyn bolady. Otyrysqa qatysýshylar memlekettik (mýnitsipaldyq) satyp alý maqsattary úshin taýarlardyń jekelegen túrleriniń shyǵarylǵan elin aiqyndaý qaǵidalarynyń jobasyn maquldady.
Qaǵidalar bir múshe memlekettiń ónim berýshisi EAEO-nyń basqa eliniń memlekettik satyp alýyna qatysqan kezde taýarlardyń shyǵarylǵan elin aiqyndaý tártibin retteitin bolady. Taýarlardyń osy talaptarǵa sáikestigi belgilengen preferentsiialardy alýǵa jáne shekteýler men tyiym salýlarǵa ushyramaýǵa múmkindik beredi. Ereje aǵymdaǵy jyldyń sońynda bekitiletin bolady.
EEK keńesi jobanyń úlgilik baǵdarlamalyq qamtylymyn paidalaný quqyǵyn, tehnikalyq jáne paidalaný qujattamasyn EAEO elderine ulttyq aqparattyq júielerde óteýsiz negizde berý bóliginde «Shekarasyz jumys» izdestirýdiń birizdendirilgen júiesi» jobasynyń pasportyna ózgerister engizdi.
Jobanyń maqsaty EAEO elderiniń jumysqa ornalastyrý jáne jumyspen qamtý salasyndaǵy aqparattyq júielerinde qamtylǵan bos jumys oryndary men bos jumys oryndaryn izdeýshiler týraly aqparatqa qol jetkizý úshin izdestirý júiesin qurý bolyp tabylady. Jobaǵa barlyq múshe memleketterdiń ulttyq júieleri tartylǵan. Osy jobany iske asyrý EAEO azamattaryna EAEO-ǵa múshe memleketterdiń aýmaǵyndaǵy bos oryndar men túiindemelerge qol jetkizýge, sondai-aq litsenziialyq shartqa qol qoiylǵannan keiin interaktivti ózara is-qimyl jasaýǵa múmkindik beredi.
Budan basqa, keńes músheleri Eýraziialyq «bestik» elderinde tsifrlyq kólik dálizderiniń ekojúiesin qalyptastyrý jáne iske qosý úshin servister men tsifrlyq infraqurylym tizbesin bekitti. EAEO tsifrlyq kólik dálizderiniń ekojúiesi isker áriptesterge tiimdi qorǵalǵan ortada jetkizilimderdiń búkil tizbegi boiynsha logistikalyq aqparatpen almasýǵa kómektesýge, sondai-aq elder ishindegi jáne halyqaralyq deńgeidegi ýákiletti organdarmen zańdyq mańyzy bar elektrondyq ózara is-qimyldy qamtamasyz etýge arnalǵan. Ekojúieni 2025 jylǵa qarai qalyptastyrý josparlanýda.
