Eýraziialyq ekonomikalyq odaq tiimdiligine baǵalaý júrgizý qajet. Bul týraly Eýraziialyq úkimetaralyq keńestiń keńeitilgen otyrysynda QR Premer-Ministri Álihan Smaiylov aitty, dep habarlaidy QazAqparat.
«EAEO qyzmetiniń nátijelerine jurtshylyqtyń jiti nazarynyń artýy jaǵdaiynda birlestiktiń tiimdiligine, atap aitqanda onyń músheleriniń ekonomikalaryna yqpalyna baǵalaý júrgizý qajet. Nátijeleri qabyldanatyn qujattardyń sanymen emes, naqty, tikelei jáne eseptelinetin kórsetkishtermen ólshenýi tiis. Qazirgi ýaqytta komissiia bizneske arnalǵan sheshimderge jobalardyń retteýshilik áserin baǵalaý júrgizip jatyr. Alaida, ol negizinen sheshimderdiń biznes koniýktýraǵa áserin sandyq baǵalaýdy qarastyrmaidy», - dedi Úkimet basshysy.
Osyǵan orai Álihan Smaiylov komissiiaǵa qabyldanatyn sheshimderdiń biznesti damytýǵa yqpalyn sandyq jáne sapalyq baǵalaý kórsetkishterin ázirleýdi usyndy. Sonymen qatar mundai kórsetkish qoǵamǵa atqarylǵan júmystyń naqty nátimjelerin jetkizýge múmkindik beretindigin basa aitty.
