Búgin Ult kósemi Álihan Bókeihannyń týǵan kúni. Ataýly dataǵa orai Álihannyń qanatty sózderin kópshilik nazaryna usynamyz.
****
Alla taǵala Quran kárimde paidaly orynǵa ózderińniń súigen nárseleriń men maldaryńdy shyǵarmai turyp izgilik, jaqsylyq degen nársege jetise almaisyńdar dep bútin adam balasyn shyn kóńilimen ult isine qyzmet etýge qyzyqtyrady.
****
Bizdiń jurt bostandyq, teńdik, qurdastyq, saiasat isin uǵynbasa, tarih jolynda tezek terip qalady.
****
Bostandyqqa aparatyn jalǵyz jol – ulttyq yntymaq qana.
****
Órtte júrip sabyrly bolý – maqtaýǵa syimaidy.
****
Keiingige ǵibrat alarlyq úlgi tastap ketip, alǵys alarmyz ba? Joq, dalaǵa laǵyp, jónsiz ketip, qarǵys laǵnet alamyz ba? Keýdesinde kózi bar adam kóp oilanarlyq jumys.
****
Birlikten aiyrylǵan el qańǵyp qalady.
****
Jurt paidasyna taza jolmen týra bastaityn er tabylsa, qazaq halqy onyń sońynan erer edi.
****
Óz tizginińdi óziń alyp júre almai, shataq-daýdan shyqpaityn bir eski aýrýyń bar-aý, qazaǵym! Qylyǵyńdy kórip ishim kúiedi.
****
Alyspaǵan, julyspaǵan bostandyq atyna minbeidi, buǵaýdan bosamaidy, eri quldyqtan, áieli kúńdikten shyqpaidy, malyna da, basyna da ie bolmaidy.
****
Bizdiń kemshiligimiz - árkim tarih arqalatqan júkti belgili jerge aparmai, sońyndaǵylarǵa tastap ketetindigi.
****
Qazaqtyń oqyǵan azamattary, qazaqqa osyndaida qyzmet etpegende qashan qyzmet etip, paidamyzdy tigizemiz?!
****
Bizde birlik bolyp, is qyla biletin sheber tabylsa, Alashtyń balasy baqyt-mahabbat jolyna tústi!
****
Ǵumyr báigesińde bizdiń qazaq tili óz báigesin alar!
****
Túzý qalam - qisaiǵan, ótkir qalam - mújilgen zaman.
****
Qazaq-aý! Túzýiń birigip jurt úshin qam oilaityn kez kelgen joq pa?!
****
Ulttyń joǵyn uiyqtap júrip emes, oiaý júrip izdeý kerek
****
Ultyna jurtyna qyzmet etý - bilimnen emes minezden.
****
Tiri bolsam, han balasynda qazaqtyń haqysy bar edi, qazaqqa qyzmet qylmai qoimaimyn.
****
Naǵyz túrik zatty halyq tili – bizdiń qazaqta.
****
Eldiń turmysyn, tilin, minezin bilmegen kisi kósh basyn da alyp júre almaidy.
****
Birlikten aiyrylǵan el qańǵyp qalady.
****
Qazaq balasy birigip, tize qosyp is qylsa, halyqtyq maqsat sonda oryndalady.
****
Bi ǵadil bolmai, jurt isi ilgeri baspaidy.
****
Ózin-ózi qasqyrsha shaýyp otyrǵan jurtta oqý, sheberlik bolmaidy.
****
Sýsaǵannyń túsine sý kiredi
****
Kisi óz basyna tilenip kishireise, kemise – óz oljasy.
****
Ne jumys qylsaq, osy úsh: aqyl, sóz, is sana talqysynan ótpei jumysqa ainalmaidy
****
Adam balasy qylyp júrgen is oi-aqyl bolyp bastalady, sóz bolyp sóilenedi, iia jazylady, aqyl sóz sonan soń baryp iske ainalady.
****
Aqyldy sóz qylmaq qiyn, sózdi qylmaq munan neshe ese qiyn.
****
Dúniede ne bolsa birte-birte azdap ilgeri basyp bolady.
****
Oqý-bilim bir, oqý ulǵaia bilim bolady.
****
Kóp oqysa, zeiindi bolsa, bilimdi bolmaq, minezi jaqsy, jaman bola ma, muny qudai biledi.
****
Jalpaq jurttyń kókireginde jaqsylyq bolmasa, jurt jurt bolyp tirshilik kórmek emes.
****
Adam balasy ózge haiýannan aiyrylǵanda bulardan aqyldy bolyp, qoly sheber bolyp aiyrylady.
****
Bailyq túbi - aqyl hám qol ustalyǵy. Osy ekeýi qosylmai, adam balasy qazynaǵa jarymaidy.
****
Aqyl da, ustalyq ta oqýmen, isteýmen júre ulǵaiady.
****
Bul tirshilik úlken talas, bir báige: júirik alady, shaban qalady. Júiriktik aqyl, ustalyq jáhitshilikte. Erinshek ezge jol báige, sybaǵa, múshe joq.
****
...Ótiriksiz, urlyqsyz bul sorlylardyń aram jemi tabylmaidy.
****
Halylq isin ornyna salýǵa kóp aqyl, kóp qyzmet, kóp jylǵy sheber istegen ádis kerek.
****
Tirshilik ǵumyr belgisi – alys-tartys, arbas, ádis.
****
Kim sheber bolsa, jalyqpai, talmai izdense, birigip tize qosyp ádis qylsa, ǵumyr báigesi soniki.
****
Torǵaidyń aq úrpek balapanynsha aýyzdy ashyp, bireýge jalynyp jalpaia berse, munan túk ónbeidi.
****
Bóten kisi qazaqqa eshqandai jaqsylyq artyp ákelip bermeidi.
****
Óz kúshine, óz qýatyna senbegen adam da, halyq ta ǵumyr júzinde báige almaidy.
****
Bireýge telmirgen adamnan, halyqtan qosaq túrtken jetim laq baqytty.
****
Qansha uzyn boldym dese de, adamnyń boi sharyǵy belgili.
****
Jalǵyz júrip óz basyn qorǵasa, kisi báleden qutylady. Kóppen júrip óz basyn qorǵaimyn dese, kópti qudyqqa tyǵady. Kóp maqsaty iin tiresip, tize qosyp, bir júrse tabylady.
****
Talas dúnie – ǵumyr sipaty, talas tartys joq bolsa, ǵumyr abaqty bolar edi.
****
Aiyr sózge aiyp joq. Aqylǵa sańyraý da aiyp.
****
Bul zamanda jylap muratqa jetemin deý, ash túieniń kúiseýi bolady.
****
Qazyna gazetanyń syrty, jabýy, qalam, maqala – jany.
****
Adam sheberligi aralasyp is qylmasa, taýdai altyn bir eli qazyna.
****
...Minsiz jalǵyz qudai, sekpilsiz jalǵyz kún.
****
Tilshi, habarshy – gazeta otyny.
Gazetany oqyp jurt ózin-ózi kóredi, ózin-ózi biledi.
****
Túbinde bizdiń qazaq tili, bizben til tuqymy bir, ózge musylmandy baiytpasa, bir-birimizge qonsy qonbaimyz ǵoi. Ǵumyr júzinde bizdiń qazaq tili óz báigesin alar: Abai, Ahmet, Mirjaqyp, Shákárim, Tarǵynnan hám ózgelerden bul kórinip tur ǵoi.
****
Er jigittiń belgisi – adasqanyn moinyna alǵany.
****
Bárimiz bul sum dúniege qonaq. Artyńda orynbasaryń tabylsyn.
****
Dúniede adam balasy ainalyp ketpes eki aq kópir bar: biri – ólim, biri – mahabbat.
****
Tárbie jolymen bilimge shynyqqan adam bilgenin kárine ala kiredi.
****
Bilim kún siiaqty, kóringenniń bárin jarylqaidy.
****
Bilimge jaqsy da, jaman da jaq. Bilim almas qylysh.
****
Alda áli kúndi kóre biletin urpaq keledi! Sol kúndi kóretin urpaq senderdi eske alatyn bolady. Bizdi rizashylyqpen, úlken qurmetpen eske alatyn bolady! Ókinbeńder! Kúres jolyna túskenderińe ókinbeńder!
****
Jer dese dirildemei bolmaidy: jer máselesi – ómir súrý máselesiniń zory.
****
Eýropa mádeniettimin dep maqtanǵanymen, mádenieti ónerinde ǵana, al minezi haiýandyq saparynan qaitqan joq.
****
Bizdiń izdegenimiz – Alashtyń aty báigeden kelgeni. Tiri bolsaq, aldymyz úlken toi. Alashtyń balasy bul joly bolmasa, jaqyn arada óz tizgini ózinde bólek memleket bolar.
****
Bostandyqqa apataryn jalǵyz jol – ulttyq yntymaq qana.
****
Qazaqty avtonomiia qylsaq, Qaraótkel – Alashtyń ortasy, sonda ýniversitet salyp, qazaqtyń ul-qyzyn oqytsaq, «Qozy Kórpesh – Baiandy» shyǵarǵan, Shoqan, Abai, Ahmet, Mirjaqypty tapqan qazaqtyń kim ekenin Eýropa sonda biler edi-aý.
****
Biz qarap otyrsaq qosaq arasynda bos ketemiz. Qazaq jurty bolyp bas qamyn qylmasaq bolatyn emes. Esik aldynan daýyl, úi artynan jaý keldi. Alashtyń balasy aqtaban shubyryndy, alqakól sulamadan soń, 200 jylda basyńa bir qiyn is keldi. Aqsaqal aǵa, azamat ini, otbasy arazdyqty, daýdy qoi, birik, jurt qyzmetine kiris! Alashtyń basyn qorǵaýǵa qam qyl.
****
Qazaqtyń baiyrǵy jerin qashan qazaqtar óz betinshe ǵylym men tehnikaǵa igermeiinshe, jer jeke menshikke de, qonystanýshylarǵa da berilmesin.
Kadet partiiasy jer adamǵa menshikti bolyp berilse de, jón deidi. Bizdiń qazaq jerdi menshikti qylyp alsa, bashqurtsha kórshi mujyqqa satyp, biraz jylda sypyrylyp, jalańash shyǵa keledi.
****
1)Qazaqtyń býrjýaziialyq ziialylary meni "ult kósemi" dep atady.
2) Men qazaq halqyn Sovet biligine qarsy kúreske bastadym.
3) Men eshqashan Sovet ókimetin súigen emespin, biraq moiyndadym.
****
Munan buryn qazaq shejiresi qazaq tilinde kitap bolyp basylǵan joq. Shahkárimniń bul kitaby qazaq shejiresiniń tuńǵyshy, qazaq shejiresin bilmek bolǵan aǵa-ini izdegenińdi osy kitaptan tabasyń. Endi munan bylai qazaq shejiresin jazbaq bolǵan kisi Shahkárimniń kitabyn ábden bilmei qadam baspasyn. kitap jiǵan jeri joq, kóshpeli dalada júrip Shahkárim shejiresindei kitap jazbaq ońai jumys emes.
****
Az adam atqa mindim dep qasqyr bolyp jurtqa shapsa, mundai jurtta bereke qaidan bolsyn?
