Orta jáne ortasha aýyr jemqorlyq qylmys jasaǵandardy qoǵamdyq jumystarǵa tartýdy kúsheitý qajet. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy QazAqparat.
«Túrme adamdy sirek tárbieleidi. EYDU elderinde jemqorlardy negizgi nemese qosymsha jaza retinde qoǵamdyq jumystarǵa tartýy kezdeisoq emes. Mysaly, Ulybritaniiada sottalǵandarǵa «qoǵamnyń qaryzyn qaitarý» degen jazýy bar keýdeshe kigizip, olarǵa kóshe jumysyn istetkizedi. Pishologiialyq turǵydan bul tásil birshama tiimdi ári qoǵam ziiankes qylmyskerlerdi tanityn bolady», - dedi Alik Shpekbaev agenttiktiń alqa otyrysynda.
Osy oraida agenttik basshy mundai jaza elimizdiń qylmystyq zańnamasynda da kózdelgenimen sottar ony múldem taǵaiyndamai otyrǵanyna basa nazar aýdartty.
«Orta jáne ortasha aýyr jemqorlyq qylmystary úshin qoǵamdyq jumystarǵa tartý qylmystyq zańnamamen rettelgenine qaramastan, Qazaqstanda sottar mundai jazany múldem taǵaiyndamaidy. Meniń oiymsha, eń aldymen kúshti aldyn alý áseri turǵysynan bul institýtty kúsheitý qajet», - dedi Alik Shpekbaev.
