Qazaqstannyń iri jeke uiymdarynda komplaens-qyzmetter qurý jumysy bastalady. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy «Ult aqparat».
«Kvazimemlekettik sektorda sybailas jemqorlyqqa qarsy komplaens institýtyn odan ári damytý maqsatynda Prezident janyndaǵy Memlekettik basqarý akademiiasy men «Samuryq-Qazyna» korporativtik ýniversiteti bazasynda bilim berý jáne ádisnamalyq súiemeldeý bastalady. Komplaens-ofitserler ulttyq kompaniialarda sybailas jemqorlyqqa qarsy aldyn alý jumysynyń sapasyn arttyrýǵa múmkindik beretin keshendi seminarlarǵa qatysady», - dedi Alik Shpekbaev agenttiktiń alqa otyrysynda.
Osy rette agenttik basshysy elimizdegi iri jeke uiymdarda komplaens-qyzmetter qurý bastalatynyn aitty.
«Sonymen qatar, biz Qazaqstannyń iri jeke uiymdarynda komplaens-qyzmetterdi qurý boiynsha jumysty bastaimyz. TOP-50 otandyq kompaniianyń menshik ielerin osy institýtty engizýge shaqyramyn», - dedi Alik Shpekbaev.
