Sybailas jemqorlyqqa qarsy is-qimyl agenttiginiń tóraǵasy Alik Shpekbaev jumys saparymen Almaty oblysyna baryp, Prezidenttiń «Halyq únine qulaq asatyn memleket» tujyrymdamasyn iske asyrý jónindegi jergilikti atqarýshy organdardyń qyzmetimen tanysty.
Qarasai jáne Ile aýdandarynyń aýyldyq okrýg ákimdikterin baǵdarlamadan tys, eskertýsiz aralaý barysynda Antikor basshysy birqatar eskertý jasap, qyzmet kórsetýdiń servistik modeline kóshý qajettiligi týraly usynystar berdi.
Kelesi nysan Qarasai aýdany Bereke kentiniń Mádeniet úii boldy, onda Antikor men Mádeniet pen sport ministrliginiń «Parasat joly» jobasy óz jumysyn bastady. Jergilikti turǵyndar osy bastamany qoldai otyryp, qoǵamda ulttyq mádeniet pen rýhaniiat qundylyqtaryn ilgeriletý jumystaryna daiyn ekendikterin bildirdi.
Ile aýdanynyń Ótegen batyr kentinde Alik Shpekbaev Almaty oblysynyń azamattyq sektor, biznes-qoǵamdastyq ókilderimen, memlekettik jáne jergilikti atqarýshy organdar basshylarymen kezdesti.
Is-sharaǵa aqparattyq-aǵartý shtabynyń, arnaiy monitoring tobynyń ókilderi, oblystyń Filip Morris Qazaqstan, Mareven Fýd Tian-Shan, Aziia Agro fýd jáne t.b. iri ónerkásiptik jáne azyq-túlik kompaniialarynyń basshylary qatysty.
Óz sózinde agenttik tóraǵasy sybailas jemqorlyqqa qarsy saiasatty iske asyrýda azamattyq baqylaýdy kúsheitýdiń jáne azamattar men memlekettik qyzmetshiler arasynda aqparattyq-túsindirý jumystaryn jandandyrýdyń mańyzdylyǵyn atap ótti.
«Sybailas jemqorlyqqa qarsy tabysty is-qimylda negizgi ekpin aldyn alý sharalaryna qoiylady, onyń basshysy azamattyq baqylaý institýty jáne jaýapty, parasatty biznes», - dep atap ótti.
Osy turǵyda, kásipkerlik qoǵamdastyqqa arnaǵan sózinde Alik Shpekbaev táýekelderdi basqarý men ishki baqylaý aiasyndaǵy tiimdi qural retinde komplaens-qyzmetter institýtyn zańnamalyq aiqyndaýǵa nazar aýdardy, sondai-aq jeke kompaniialardyń basshylaryn osy júieni óz kásiporyndaryna engizýge shaqyrdy.
Kezdesý sońynda agenttik tóraǵasyna Almaty oblysynyń jergilikti atqarýshy organdarynyń óńirde qabyldanyp jatqan sybailas jemqorlyqqa qarsy sharalar boiynsha jumysy tanystyrylyp, azamattyq sektor ókilderi jemqorlyqtyń aldyn alýǵa arnalǵan aldaǵy josparlarymen bólisti.
