QR Ulttyq ekonomika ministri Álibek Qýantyrov Úkimet otyrysynan keiin BAQ ókilderine bergen suhbatynda Ýkrainadaǵy jaǵdaidyń Qazaqstandaǵy infliatsiiaǵa áserin báseńdetý úshin qandai sharalar qolǵa alynǵanyn aitty, dep habarlaidy QazAqparat.
«Qazir infliatsiiaǵa qysym bolyp jatyr. Onyń áseri qandai bolatynyn naqty aitý qiyn. Kishkene shydai turý kerek. Sebebi Ýkrinadaǵy jaǵdai barynsha tez turaqtansa, bizdegi baǵaǵa áseri tómen bolady. Biraq ony áli qadaǵalaý kerek.
Úkimet Ulttyq bankpen birge daǵdarysqa qarsy tiisti keshendi jospar qabyldady. Sol jospar shuǵyl túrde oryndalyp jatyr. Negativti, bazalyq jáne optimistik deitin úsh stsenarii bar. Árine, qazir jaǵdai kúrdeli. Biraq buǵan deiin aitqanymdai, naqty áserdi baǵalaý úshin kishkene ýaqyt kerek», - dedi ministr.
Onyń aitýynsha, Ýkrainadaǵy jaǵdai ýshyqqan jaǵdaida da barlyq áleýmettik mindettemeler iske asyrylady.
«Sebebi Úkimette oǵan qajet qarajat ta, múmkindik te bar», - dedi vedomstvo basshysy.
