Foto: primeminister.kz
Premer-ministr Oljas Bektenovtiń tóraǵalyǵymen ótken keńeste Memleket basshysynyń Úkimettiń keńeitilgen otyrysynda bergen energetikany damytý jáne iadrolyq klaster qurý jónindegi tapsyrmalaryn júzege asyrý barysy qaraldy, dep habarlaidy Ult.kz.
Prezidenttiń elektr energetikasy infraqurylymyn qarqyndy damytý jáne qajetti rezervter qurý jónindegi tapsyrmasyn eskere otyryp, 2025–2031 jyldarǵa arnalǵan elektr energiiasynyń boljamdy teńgerimi tyńdaldy. Elektr energiiasyn tutynýdyń udaiy ósýine bailanysty jeke investitsiialar esebinen jumys istep turǵan elektr stansalaryn jańǵyrtý arqyly 2035 jylǵa deiin 26,5 GVt deńgeiinde jańa generatsiiasy bar qýattar qurylymy qarastyrylýda.
Energetika ministri Almasadam Sátqaliev birinshi atom elektr stansasynyń qurylysy boiynsha áleýetti jetkizýshilermen júrgizilgen kelissózder týraly baiandady.
Premer-ministr AES salý máselesinde elimiz úshin barynsha ekonomikalyq tiimdilikti qamtamasyz etý qajet ekenine toqtaldy. Jetkizýshini tańdaýda el ishindegi qundylyqty arttyrýǵa, óndiristi lokalizatsiialaýǵa jáne tehnologiia transfertine mán berý tapsyryldy.
Sondai-aq atom ǵylymyn, sala mamandaryn daiarlaý boiynsha bilim berý baǵdarlamalaryn damytýdyń keleshegin talqylady. «Qazaqstan atom elektr stantsiialary» JShS basshysy Timýr Jantikin, Ulttyq iadrolyq ortalyǵynyń basshysy Erlan Batyrbekov, Iadrolyq fizika institýtynyń basshysy Saiabek Sahiev ózderiniń saraptamalyq kózqarastarymen bólisti.
