فوتو: primeminister.kz
پرەمەر-مينيستر ولجاس بەكتەنوۆتٸڭ تٶراعالىعىمەن ٶتكەن كەڭەستە مەملەكەت باسشىسىنىڭ ٷكٸمەتتٸڭ كەڭەيتٸلگەن وتىرىسىندا بەرگەن ەنەرگەتيكانى دامىتۋ جەنە يادرولىق كلاستەر قۇرۋ جٶنٸندەگٸ تاپسىرمالارىن جٷزەگە اسىرۋ بارىسى قارالدى, دەپ حابارلايدى Ult.kz.
پرەزيدەنتتٸڭ ەلەكتر ەنەرگەتيكاسى ينفراقۇرىلىمىن قارقىندى دامىتۋ جەنە قاجەتتٸ رەزەرۆتەر قۇرۋ جٶنٸندەگٸ تاپسىرماسىن ەسكەرە وتىرىپ, 2025–2031 جىلدارعا ارنالعان ەلەكتر ەنەرگيياسىنىڭ بولجامدى تەڭگەرٸمٸ تىڭدالدى. ەلەكتر ەنەرگيياسىن تۇتىنۋدىڭ ۇدايى ٶسۋٸنە بايلانىستى جەكە ينۆەستيتسييالار ەسەبٸنەن جۇمىس ٸستەپ تۇرعان ەلەكتر ستانسالارىن جاڭعىرتۋ ارقىلى 2035 جىلعا دەيٸن 26,5 گۆت دەڭگەيٸندە جاڭا گەنەراتسيياسى بار قۋاتتار قۇرىلىمى قاراستىرىلۋدا.
ەنەرگەتيكا مينيسترٸ الماسادام سەتقاليەۆ بٸرٸنشٸ اتوم ەلەكتر ستانساسىنىڭ قۇرىلىسى بويىنشا ەلەۋەتتٸ جەتكٸزۋشٸلەرمەن جٷرگٸزٸلگەن كەلٸسسٶزدەر تۋرالى باياندادى.
پرەمەر-مينيستر اەس سالۋ مەسەلەسٸندە ەلٸمٸز ٷشٸن بارىنشا ەكونوميكالىق تيٸمدٸلٸكتٸ قامتاماسىز ەتۋ قاجەت ەكەنٸنە توقتالدى. جەتكٸزۋشٸنٸ تاڭداۋدا ەل ٸشٸندەگٸ قۇندىلىقتى ارتتىرۋعا, ٶندٸرٸستٸ لوكاليزاتسييالاۋعا جەنە تەحنولوگييا ترانسفەرتٸنە مەن بەرۋ تاپسىرىلدى.
سونداي-اق اتوم عىلىمىن, سالا ماماندارىن دايارلاۋ بويىنشا بٸلٸم بەرۋ باعدارلامالارىن دامىتۋدىڭ كەلەشەگٸن تالقىلادى. «قازاقستان اتوم ەلەكتر ستانتسييالارى» جشس باسشىسى تيمۋر جانتيكين, ۇلتتىق يادرولىق ورتالىعىنىڭ باسشىسى ەرلان باتىربەكوۆ, يادرولىق فيزيكا ينستيتۋتىنىڭ باسشىسى سايابەك ساحيەۆ ٶزدەرٸنٸڭ ساراپتامالىق كٶزقاراستارىمەن بٶلٸستٸ.
