Qazaqstandyq aktrisa, prodiýser ári rejisser Nazgúl Qarabalina jeke ómirine qatysty kópshilik bile bermeitin jaittarmen bólisti. Óner iesi otbasy men balasyna bailanysty orynsyz suraqtardyń kóńiline tietinin de jasyrmady, dep habarlaidy ult.kz.
Muhtar Áýezov atyndaǵy Qazaq ulttyq drama teatrynyń aktrisasy kei adamdardyń ózinen nelikten bir ǵana bala súigenin suraitynyn aitty. Onyń pikirinshe, mundai saýal qoiýdy nadandyq nemese bilimsizdik dep baǵalaýǵa bolady. Qarabalina bir uly baryna shúkirshilik etetinin, al jaqyn adamdary mundai jeke máselelerge aralaspaitynyn jetkizdi. Kerisinshe, onyń ómirine qatysty egjei-tegjeili suraqtardy kóbine alystaý tanystary qoiatynyn atap ótti.
Aktrisa suhbat barysynda alǵashqy kúieýi Azamatpen qarym-qatynasynyń qalai bastalǵanyn da eske aldy. Onyń sózinshe, akademiiada oqyp júrgen kezinde Azamat oǵan asa qyzyǵýshylyq tanytpaǵan. Al oǵan birinshi bolyp Qarabalinanyń ózi ǵashyq bolyp, jigittiń nazaryn aýdarýdy armandaǵan.
Sol ýaqytta óner iesi sezimderi men armandaryn arnaiy albomǵa jazyp júrgen. Jazbalarynda Azamatpen otbasyn qurýdy tilep, eger armany oryndalsa, onyń zeinetker ata-anasyna qamqor bolyp, toǵyz baýyrymen jaqsy qarym-qatynasta bolýǵa nietti ekenin jazǵan.
Keiin Azamat bul jazbalardy kezdeisoq oqyp qoiǵan. Qarabalinanyń aitýynsha, osy jaǵdaidan keiin onyń ózine degen kózqarasy ózgergen bolýy múmkin. Aktrisa óziniń sezimi áýel bastan shynaiy bolǵanyn, al Azamat bastapqyda eseppen úilengenin aitty. Degenmen qazir jubaiynyń ózin jaqsy kóretinine senimdi ekenin jetkizdi.
Aita keteiik, Azamat Satybaldy "Parasat" ordenimen marapattaldy.
Azamat Satybaldy kim?
Azamat Satybaldy – qazaqstandyq teatr jáne kino akteri, prodiýser ári telejúrgizýshi. Ol 1977 jyly 2 qarashada Jambyl oblysynyń Turar Rysqulov aýdanynda dúniege kelgen. T. Júrgenov atyndaǵy óner akademiiasynda bilim alyp, eńbek jolyn Qostanai oblystyq drama teatrynda bastaǵan. 2001 jyldan M. Áýezov atyndaǵy Qazaq memlekettik akademiialyq drama teatrynda akter bolyp eńbek etken.
Kórermenge “Aǵaiyndy”, “Jeruiyq”, “Ǵashyq júrek-2”, “Qara shańyraq”, “Reketir-2”, “Úige aparar jol” jáne basqa da kinotýyndylardaǵy rólderi arqyly tanylǵan. 2017 jyly “Cinema 28” kinostýdiiasy men “28 THEATRE” teatryn qurdy.
Azamat Satybaldy 2018–2022 jyldary Ǵabit Músirepov atyndaǵy balalar men jasóspirimder teatryn basqardy. Keiin T. Júrgenov atyndaǵy Qazaq ulttyq óner akademiiasynyń rektory boldy, al 2023–2024 jyldary “Qazaqfilm” kinostýdiiasynyń prezidenti qyzmetin atqardy. Ol – Qazaqstannyń eńbek sińirgen qairatkeri.
Aktrisa Nazgúl Qarabalina – Azamat Satybaldynyń jubaiy. Erli-zaiypty bir ul tárbielep otyr.
