قازاقستاندىق اكتريسا, پروديۋسەر ەرٸ رەجيسسەر نازگٷل قارابالينا جەكە ٶمٸرٸنە قاتىستى كٶپشٸلٸك بٸلە بەرمەيتٸن جايتتارمەن بٶلٸستٸ. ٶنەر يەسٸ وتباسى مەن بالاسىنا بايلانىستى ورىنسىز سۇراقتاردىڭ كٶڭٸلٸنە تيەتٸنٸن دە جاسىرمادى, دەپ حابارلايدى ult.kz.

مۇحتار ەۋەزوۆ اتىنداعى قازاق ۇلتتىق دراما تەاترىنىڭ اكتريساسى كەي ادامداردىڭ ٶزٸنەن نەلٸكتەن بٸر عانا بالا سٷيگەنٸن سۇرايتىنىن ايتتى. ونىڭ پٸكٸرٸنشە, مۇنداي ساۋال قويۋدى ناداندىق نەمەسە بٸلٸمسٸزدٸك دەپ باعالاۋعا بولادى. قارابالينا بٸر ۇلى بارىنا شٷكٸرشٸلٸك ەتەتٸنٸن, ال جاقىن ادامدارى مۇنداي جەكە مەسەلەلەرگە ارالاسپايتىنىن جەتكٸزدٸ. كەرٸسٸنشە, ونىڭ ٶمٸرٸنە قاتىستى ەگجەي-تەگجەيلٸ سۇراقتاردى كٶبٸنە الىستاۋ تانىستارى قوياتىنىن اتاپ ٶتتٸ.

اكتريسا سۇحبات بارىسىندا العاشقى كٷيەۋٸ ازاماتپەن قارىم-قاتىناسىنىڭ قالاي باستالعانىن دا ەسكە الدى. ونىڭ سٶزٸنشە, اكادەمييادا وقىپ جٷرگەن كەزٸندە ازامات وعان اسا قىزىعۋشىلىق تانىتپاعان. ال وعان بٸرٸنشٸ بولىپ قارابالينانىڭ ٶزٸ عاشىق بولىپ, جٸگٸتتٸڭ نازارىن اۋدارۋدى ارمانداعان.

سول ۋاقىتتا ٶنەر يەسٸ سەزٸمدەرٸ مەن ارماندارىن ارنايى البومعا جازىپ جٷرگەن. جازبالارىندا ازاماتپەن وتباسىن قۇرۋدى تٸلەپ, ەگەر ارمانى ورىندالسا, ونىڭ زەينەتكەر اتا-اناسىنا قامقور بولىپ, توعىز باۋىرىمەن جاقسى قارىم-قاتىناستا بولۋعا نيەتتٸ ەكەنٸن جازعان.

كەيٸن ازامات بۇل جازبالاردى كەزدەيسوق وقىپ قويعان. قارابالينانىڭ ايتۋىنشا, وسى جاعدايدان كەيٸن ونىڭ ٶزٸنە دەگەن كٶزقاراسى ٶزگەرگەن بولۋى مٷمكٸن. اكتريسا ٶزٸنٸڭ سەزٸمٸ ەۋەل باستان شىنايى بولعانىن, ال ازامات باستاپقىدا ەسەپپەن ٷيلەنگەنٸن ايتتى. دەگەنمەن قازٸر جۇبايىنىڭ ٶزٸن جاقسى كٶرەتٸنٸنە سەنٸمدٸ ەكەنٸن جەتكٸزدٸ.

ايتا كەتەيٸك, ازامات ساتىبالدى "پاراسات" وردەنٸمەن ماراپاتتالدى.

ازامات ساتىبالدى كٸم? 

ازامات ساتىبالدى – قازاقستاندىق تەاتر جەنە كينو اكتەرٸ, پروديۋسەر ەرٸ تەلەجٷرگٸزۋشٸ. ول 1977 جىلى 2 قاراشادا جامبىل وبلىسىنىڭ تۇرار رىسقۇلوۆ اۋدانىندا دٷنيەگە كەلگەن. ت. جٷرگەنوۆ اتىنداعى ٶنەر اكادەميياسىندا بٸلٸم الىپ, ەڭبەك جولىن قوستاناي وبلىستىق دراما تەاترىندا باستاعان. 2001 جىلدان م. ەۋەزوۆ اتىنداعى قازاق مەملەكەتتٸك اكادەمييالىق دراما تەاترىندا اكتەر بولىپ ەڭبەك ەتكەن.

كٶرەرمەنگە “اعايىندى”, “جەرۇيىق”, “عاشىق جٷرەك-2”, “قارا شاڭىراق”, “رەكەتير-2”, “ٷيگە اپارار جول” جەنە باسقا دا كينوتۋىندىلارداعى رٶلدەرٸ ارقىلى تانىلعان. 2017 جىلى “Cinema 28” كينوستۋديياسى مەن “28 THEATRE” تەاترىن قۇردى.

ازامات ساتىبالدى 2018–2022 جىلدارى عابيت مٷسٸرەپوۆ اتىنداعى بالالار مەن جاسٶسپٸرٸمدەر تەاترىن باسقاردى. كەيٸن ت. جٷرگەنوۆ اتىنداعى قازاق ۇلتتىق ٶنەر اكادەميياسىنىڭ رەكتورى بولدى, ال 2023–2024 جىلدارى “قازاقفيلم” كينوستۋديياسىنىڭ پرەزيدەنتٸ قىزمەتٸن اتقاردى. ول – قازاقستاننىڭ ەڭبەك سٸڭٸرگەن قايراتكەرٸ.

اكتريسا نازگٷل قارابالينا – ازامات ساتىبالدىنىڭ جۇبايى. ەرلٸ-زايىپتى بٸر ۇل تەربيەلەپ وتىر.