Qytailyq investorlar Shymkenttegi quqyq qorǵaý organdarynyń áreketine narazy Qytailyq investorlar Shymkenttegi quqyq qorǵaý organdarynyń áreketine narazy Tanymal depýtat plastikalyq operatsiiadan keiin kóz jumdy Tanymal depýtat plastikalyq operatsiiadan keiin kóz jumdy
Ekonomika jáne biznes

Alfa-Bankke qatysty málimdeme: sanktsiialar 6 mamyrdan bastap kúshine enedi

Ult portaly
Alfa-Bankke qatysty málimdeme: sanktsiialar 6 mamyrdan bastap kúshine enedi

Foto ©RIA Novosti

Qarjy naryǵyn retteý jáne damytý agenttigi Reseige qarsy sanktsiialarǵa ushyraǵan Alfa-Bank Qazaqstan qyzmetine qatysty málimdeme jasady, - dep habarlaidy Tengrinews.kz tilshisi.

Vedomstvo málimetinshe, AQSh Qarjy ministrliginiń Sheteldik aktivterdi baqylaý basqarmasynyń (OFAC) Alfa-Bankti SDN tizimine qosý týraly № 23 bas litsenziiasyna sáikes, sanktsiialardy engizý kúni - 2022 jylǵy 6 mamyr. 6 mamyrǵa deiin kórsetilgen kezeń OFAC litsenziiasynda kontragenttermen salynǵan sanktsiialarǵa bailanysty tikelei shekteletin operatsiialar men mámilelerdi aiaqtaý jumysyn júrgizýge banktiń ýaqyty bolýy úshin arnaiy kózdelgen. Mundai operatsiialarǵa shetel valiýtasyndaǵy esep aiyrysýlar, halyqaralyq tólem júieleri arqyly aýdarymdar, amerikalyq bankterdiń korrespondenttik shottaryn paidalaný jáne basqalary jatady.

Barlyq qazaqstandyq banktiń sanktsiialardy engizý kúnine deiin jumys isteý jáne banktiń qazaqstandyq klientteriniń paidasyna aýdarymdar jasaýyna múmkindigi bar.

"6 mamyrǵa deiingi kezeńde jáne sanktsiialardy engizý kúninen keiin Alfa-Bank Qazaqstan klientterine teńgemen jáne rýblmen operatsiialar qoljetimdi bolady: bankomattarda qolma-qol aqsha alý, teńgemen aqsha aýdarý, kommýnaldyq qyzmetterdi, mobildik bailanysty tóleý jáne qyzmetter úshin basqa da tólemder", - delingen habarlamada.

Vedomstvo málimetinshe, Alfa-Bank Qazaqstan jetkilikti kapital qory bar tólem jasaýǵa qabiletti bank sanalady. Qazirgi ýaqytta banktiń klientter aldyndaǵy mindettemeleri 445 milliard teńgege teń, olar 480 milliard teńge somasyndaǵy joǵary sapaly nesie portfeli, 134 milliard teńge mólsherindegi menshikti kapital jáne negizgi bank ashqan kredittik jeli esebinen óteledi.

"Qazirgi ýaqytta bank klienttik tólemder men aýdarymdardy oryndaý boiynsha bir sáttik ótinimderge, sondai-aq klientterdiń qarajatyn alýǵa bailanysty ótimdilik tapshylyǵyna tap boldy.

2022 jylǵy 7 sáýirden bastap Alfa-Bank Qazaqstan shamamen 100 milliard teńge somaǵa klienttik tólemder men aýdarymdardy júrgizedi. Qarajattyń aitarlyqtai áketilýine bailanysty bank ulttyq valiýtadaǵy klienttik tólemder men aýdarym somalaryna ýaqytsha shekteýler engizdi. Bank klientter aldyndaǵy mindettemelerdi oryndaý boiynsha ahýaldy turaqtandyrý jumysyn júrgizip jatyr", - delingen habarlamada.

Qosymsha teńgemen ótimdilik tartý úshin bank Qazaqstandaǵy basqa ekinshi deńgeidegi bankterge nesie portfeliniń bóligin satý boiynsha sharalar qabyldaǵan. Budan basqa, aktsionerdi tolyq aýystyrý qarastyrylyp jatyr, ol Alfa-Bank Qazaqstan bankin sanktsiialyq tizimnen shyǵarýǵa ákeledi.

"Osylaisha, ótimdilikti jinaqtaýǵa qabiletti banktiń joǵary sapaly nesie portfeli jáne retteýshilik talaptardan asatyn jetkilikti kapital salymdarǵa, kreditterge qyzmet kórsetýdi, sondai-aq aqsha qarajatyn qabyldaýdy jáne berýdi qosa alǵanda, Alfa-Banktiń klientter aldyndaǵy óz mindettemelerin tolyq oryndaýyn qamtamasyz etýge múmkindik beredi. Qabyldanǵan sharalardyń nátijeleri boiynsha taiaý ýaqytta bank klientteriniń tólemderi men aýdarymdaryn oryndaý jaǵdaiy turaqtandyrylyp, klientter úshin ýaqytsha shekteýler alyp tastalady", - delingen habarlamada.

Alfa-Bank Qazaqstan depozitterge mindetti kepildik berý júiesiniń qatysýshysy sanalatyny, bul Qazaqstan Respýblikasynyń zańnamasynda belgilengen limitter sheginde jeke tulǵalar qarajatynyń saqtalýyn qamtamasyz etetini aityldy.

Oqi otyryńyz