Budan basqa, bir nemese birneshe buǵattalǵan adamǵa tikelei nemese janama, jeke nemese jiyntyǵynda, 50 nemese odan kóp paiyzǵa tiesili kez kelgen adamnyń búkil múlki jáne múliktegi úlesteri de buǵattalady. Tiisinshe, AQSh tulǵalaryna, onyń ishinde AQSh qarjylyq mekemelerine, eger bul uiymdar OFAC-tan bosatylmasa nemese ýákilettik berilmese, olarmen operatsiialar jasaýyna tyiym salynǵan.
Aqparat boiynsha, OFAC Alfa-Bankpen 2022 jylǵy 6 mamyrǵa deiin, Sberbankpen 2022 jylǵy 13 sáýirge deiin mámileler aiaqtaý merzimin belgiledi.
Bul eki banktiń klientterine AQSh dollarymen tólemder jáne aýdarymdar operatsiiasy qoljetimsiz bolady. Bul rette klientter ulttyq valiýtadaǵy bankishilik operatsiialardy qandai da bolmasyn shekteýsiz júzege asyra alady.
"Atap aitqanda, Alfa-Bankke qatysty engizilgen sanktsiialar birqatar ýaqytsha shekteýlerge ákeldi. Bank jeke jáne zańdy tulǵalar úshin AQSh dollaryndaǵy jáne eýrodaǵy aýdarymdardy toqtata turdy. Budan basqa, jeke jáne zańdy tulǵalar úshin bankomattar men POS terminaldardyń menshikti jelisinen tys Visa jáne MasterCard kartalarynyń jumysy toqtatyla turdy. Alfa-Bank ýaqytsha jeke jáne zańdy tulǵalar úshin qolma-qol aqsha alýǵa jáne aýdarym jasaýǵa limitter engizdi, kreditter berýdi toqtatty. Alfa-Bankti qospaǵanda, basqa bankterdiń kartalarymen zańdy tulǵalar úshin POS-terminaldardaǵy tólemderdi qabyldaý toqtatyldy", - delingen habarlamada.
Bul rette klientter bankomattardan qolma-qol aqsha alyp, jedel tólem júiesine (JTJ-ne) qatysýshy bankterge telefon nómiri boiynsha mobildik qosymshadaǵy aqshany teńgemen jáne táýliktik limit sheginde basqa bankterge shot derektemelerin aýdara alady. Kommýnaldyq qyzmetter, uialy bailanys jáne basqa da qyzmetter úshin tólemder táýliktik limit sheńberinde shtattyq rejimde ótedi.
"Jalpy alǵanda, Reseidiń enshiles bankteri klientter aldyndaǵy mindettemelerin ýaqtyly jáne tolyq kólemde oryndaidy, onyń ishinde salymdarǵa, kreditterge qyzmet kórsetý, sondai-aq aqsha qarajatyn qabyldaý jáne berý. Bul bankter depozitterge mindetti kepildik berý júiesine qatysady, bul azamattar qarajatynyń saqtalýyna kepildik beredi.
Reseidiń enshiles bankterine qatysty engizilgen sanktsiialar men shekteýler Qazaqstan bankteriniń qyzmetine bailanysty emes jáne olarǵa áser etpeidi", - dedi agenttik ókilderi.
QR Qarjy naryǵyn retteý jáne damytý agenttigi óz tarapynan bank sektoryndaǵy ahýaldy kúndelikti monitoringteýdi júzege asyratynyn jáne qajet bolǵan jaǵdaida, syrtqy ekonomikalyq táýekelderdiń qarjy naryǵynyń turaqtylyǵyna yqpalyn álsiretý úshin qajetti sharalar qabyldaitynyn habarlady.
