Áleýmettik jelilerde jalǵan valiýta satylyp jatyr Instagram áleýmettik jelisinde jalǵan dollar, rýbl, eýro jáne grivna usynatyn akkaýnttar tabyldy, dep habarlaidy stopfake.kz.
Jalǵan aqsha jasaýshylardyń aitýynsha, bul jalǵan aqshany naǵyz kýpiýradan aiyrý múmkin emes. Olardy terminaldar men bankomattar qabyldaidy.
Jalǵan aqshany satý jarnamasy basqa platformalarda da kezdesedi. Jalǵan aqsha jasaýshylar óz qyzmetterin negizinen Resei men Ýkrainada usynady.
Jalǵan kýpiýralar «bir jerge qoiý» ádisimen satylady – olardy belgili bir jerde jasyrady jáne satyp alýshyǵa belgilengen jerdiń kartasyn jiberedi. Keibir jaǵdailarda «aqshany» poshtamen jiberedi.
«Nastoiashee vremia» basylymynyń jýrnalisteri Instagram-daǵy paraqshasynda mundai satý shemasy is júzinde qalai júzege asyrylatynyn tekserip kórgen. Alaida, tilshi jalǵan aqsha jasaýshylarǵa aqsha men aýdarymdy rastaityn chekti jibergennen keiin, satýshy yqtimal satyp alýshyny buǵattap, búkil jazbany óshirip tastady.
Qazaqstanda QR QK 231-babyna sáikes, jalǵan aqsha nemese baǵaly qaǵazdar daiyndaý, saqtaý, aýystyrý nemese ótkizý úshin bes jyldan on eki jylǵa deiingi merzimge bas bostandyǵynan aiyrý jazasy qarastyrylǵan.
Eger áleýmettik jelilerden osyndai jarnamany kórseńiz, siltemeler boiynsha ótpeńiz jáne avtorlarmen bailanysqa shyqpańyz.
