Áleýmettik jelidegi paraqshasyna tyiym salynǵan mazmundaǵy dáristi jariialaǵan elorda turǵyny 55 myń teńge aiyppul tóleidi, dep habarlaidy "Ult aqparat" qalalyq politsiia departamentine silteme jasap.
Nur-Sultan qalasy politsiia departamentiniń qyzmetkerleri áleýmettik jelidegi paraqshasynda dini mazmundaǵy video jáne aýdio dáristi ornalastyrǵan 37 jastaǵy áieldi anyqtady.
QR Bas prokýratýrasy Quqyqtyq statistikasy jáne arnaiy esepke alý jónindegi komitetiniń saraptamasy boiynsha dárister Qazaqstan aýmaǵyna ákelýge, basyp shyǵarýǵa jáne taratýǵa tyiym salynǵan lańkestik mazmúndaǵy materialdar bolyp tanylǵan.
Áielge qatysty QR Ákimshilik quqyqbuzýshylyqtar týraly kodeksiniń 453-baby («Qazaqstan Respýblikasy aýmaǵynda buqaralyq aqparat quraldary ónimderin, jáne ózge de ónimderdi daiyndaý, saqtaý, kirgizý, tasymaldaý, taratý») boiynsha ákimshilik is qozǵaldy. Mamandandyrylǵan ákimshilik sottyń qaýlysymen áielge 20 AEK (55 560 teńge) kóleminde aiyppul salyndy.
