«Nur Otan» partiiasy janyndaǵy Qoǵamdyq saiasat institýty «Halyq Nur Otan partiiasynan ne kútedi?» taqyrybynda áleýmettik zertteý júrgizdi, dep habarlaidy "Ult aqparat".
Qoǵamdyq saiasat institýtynyń direktory Iýliia Kýchinskaianyń aitýynsha, qarasha aiynda júrgizilgen zertteýge 1700 respondent qatysqan. Onda qazaqstannyń 14 óńiri men Nur-Sultan, Almaty, Shymkent qalalary qamtylǵan.
«Nur Otan» partiiasynyń jumysyn jandandyrý bastamasyna halyq úlken qoldaý bildirdi jáne partiia mán berýi tiis 5 mańyzdy jumysty atap kórsetti. Olar – halyqpen dialog ornatý, adamdardyń naqty máselesin sheshý, sybailas jemqorlyqpen kúres, qarapaiym adamdardy sailaýǵa shyǵarý jáne olardyń bastamalaryn qoldaý. Sońǵy 3 aida «Nur Otan» partiiasy osy baǵyttarda jumys istegen bolatyn», - dedi Iýliia Kýchinskaia elordada ótken baspasóz máslihatynda.
Áleýmettik zertteý qatysýshylarynyń 61% «Nur Otan» partiiasy sailaý aldynda bergen ýádelerin oryndap keledi dep esepteidi. Odan bólek, «Jeke quqyǵyńyzǵa qysym jasalsa, qaida júginesiz?» degen suraqta «Nur Otan» partiiasy 27% kórsetkishpen ekinshi orynda tur.
«Iaǵni, bul partiianyń azamattar ómirinde eleýli ról oinaitynyn, olardyń naqty máselelerin sheship jatqanyn kórsetedi. Azamattardyń 49% partiianyń qarapaiym halyq múddesin sheshedi dep esepteidi. Úsh ai buryn partiia jumysyn qaita jandandyrý bastalǵanda, bul kórsetkish 40-tan tómen, 36% ǵana edi. Onyń ústine, partiia óziniń barlyq jobalaryn qaita qarap, naqty áleýmettik toptardyń máselesin sheshýge baǵyttalǵan jobalardy ǵana qaldyrǵan edi. Onyń jarqyn mysaly – Balalar quqyǵyn qorǵaý keńesiniń jumysy. Keńes jumysynyń arqasynda birqatar óńirlerde zańbuzýshylyqtar anyqtaldy. Balalarǵa qatysty máseleler Úkimet deńgeiine shyǵarylyp, sheshimin tapty», - dedi institýt basshysy.
Qatysýshylar ataǵan taǵy bir ózekti másele – sybailas jemqorlyqpen kúres. 2015 jyly «Nur Otan» partiiasynyń Sybailas jemqorlyqqa qarsy baǵdarlamasy qabyldanǵan.
«Biyl baǵdarlamanyń alǵashqy kezeńin júzege asyrý merzimi aiaqtalady. Qazir kelesi kezeńniń Jol kartasy ázirlenip jatyr. Partiia jumysyn qaita jandandyrý aiasynda jemqorlyqpen kúreske jaýapty Partiialyq baqylaý komiteti men Sybailas jemqorlyqpen kúres boiynsha respýblikalyq qoǵamdyq keńestiń jumys jospary jańartyldy. Olar ortalyqta jáne óńirlerde sybailas jemqorlyqqa qarsy tyńdaýlar men talqylaýlar ótkizedi. Iaǵni, halyq arasyndaǵy ózekti máselelerdi talqylaýǵa shyǵaryp, jaýapty organdardaǵy partiia múshelerinen máseleni sheshýdi talap etemiz. Odan bólek, partiia máslihaty depýtattaryna usynymdar jiberedi, ári qarai depýtattar máseleni sheshedi», - dedi Iýliia Kýchinskaia.
Sońǵy úsh aida partiianyń táribin buzǵany úshin jáne sybailas jemqorlyq pen partiia imidjine nuqsan keltirgeni úshin 100 adam partiiadan shyǵaryldy. Qazir Partiialyq baqylaý komiteti belsendi jumys isteýde. Sybailas jemqorlyqqa qarsy «qaýyrt jeli» ashyldy. Turǵyndar habarlasyp, aryz-shaǵym qaldyra alady nemese óz máselesimen júgine alady.
Sonymen birge, qazirgi ýaqytta «Nur Otan» partiiasynyń qoǵamdyq qabyldaý bólmeleriniń mańyzy arta tústi. Áleýmettik zertteý qorytyndysyna sáikes, azamattardyń 75% partiianyń qoǵamdyq qabyldaýy týraly biletinin, 22% - qoǵamdyq qabyldaýǵa júgingenin jáne 15,9% – partiia kómegimen óz máselelerin sheshkenin aitqan. Partiiaǵa 1 shildeden beri barlyǵy 70 myń adam júgingen, 51 myń azamattyń aryzy kelip túsip, olardyń 40% boiynsha oń sheshim qabyldanǵan. 52% boiynsha túsindirme berilip, qalǵan 8% partiia baqylaýda ustap otyr.
Ortalyq jáne jergilikti atqarýshy organ basshylary júieli túrde qabyldaý júrgizip keledi. Osy ýaqyt ishinde 16 myń qabyldaý ótkizilip, 37 myń adamnyń máselesi tyńdaldy. Úkimet músheleri, Parlament depýtattary, Nur-Sultan, Almaty, Shymkent qalalary jáne oblys ákimderi 120-dan astam qabyldaý ótkizdi. Al barlyq deńgeidegi máslihat depýttary 4300-ge jýyq qabyldaý júrgizdi. Partiialyq baqylaý komiteti azamattardy qabyldaý, olardyń aryzdarymen jumys isteý máselesin turaqty baqylaýyna aldy.
Áleýmettik saýalnamaǵa qatysqandardyń 54,8 paiyzy óz óńirlerinde «Nur Otan» partiiasynyń belsendiligi artqanyn atap otyr. Olardyń úshten bir bóligi sońǵy 6 aida «Nur Otan» partiiasynyń jumysy jaqsardy dep esepteidi. Óńir turǵyndary saýalnamada saiasi uiymnyń aimaqtardaǵy bedeli artqanyn atap ótti. Osylaisha, partiianyń elektoraldy reitingi 10 paiyzǵa artyp, 65,8% qurady.
Zertteý sońynda qatysýshylar «Nur Otan» partiiasy mán berýi tiis ózekti máselelerdi atady. Olardyń qatarynda eńbekaqyny kóterý, eń tómengi kúnkóris deńgeiin ósirý, sybailas jemqorlyq, bilim berý men meditsinadaǵy túitkilder jáne áleýmettik teńsizdik máseleleri bar. Odan bólek, iri qala turǵyndary ekologiia men jumyssyzdyqty jii kótergen.
.jpeg)