1,7 mln adam áleýmettik járdemaqy alý úshin tólem kartasyn jáne kartochkalyq shot ashty, - dep habarlaidy QR Qarjy naryǵyn retteý jáne damytý agenttigi.
«Áleýmettik járdemaqy alý úshin 1,7 mln adam tólem kartasyn jáne kartochkalyq shot ashqan. Memlekettik komissiianyń 2020 jylǵy 10 sáýirdegi otyrysynda Qazaqstan Prezidenti Qasym-Jomart Toqaevtyń bergen tapsyrmasy aiasynda QR Qarjy naryǵyn retteý jáne damytý agenttigi ekinshi deńgeidegi banktermen tólem kartalaryn bankterdiń bólimshelerine barmai-aq, qashyqtan alý algoritmin daiyndady. Búgingi kúni 1 013 558 azamat qashyqtan kartochkalyq shot jáne tólem kartasyn ashqan, sondai-aq olar shamamen 700 myńdai klienttiń úiine jetkizilip berilgen», - delingen agenttik málimetinde.
Belgili bolǵandai, tótenshe jaǵdai engizilgennen beri «Qazaqstannyń Halyq banki» AQ qashyqtan 564 615, Kaspi Bank – 358 884, Forte Bank AQ – 26 745, «Bank Tsentr kredit» AQ 25 258 tólem kartasyn ashty.
«Qazpochta» AQ turǵyndardyń úiine 88 397 tólem kartasyn jetkizip berdi.
Budan buryn habarlanǵandai, tótenshe jaǵdaidyń jariialanýyna bailanysty tabysynan aiyrylǵan 4,28 millionnan astam qazaqstandyq 425 00 teńge kóleminde járdemaqy aldy.
Prezident kelesi aida da azamattarǵa 42 500 teńge kóleminde kómek beriletinin málim etti.
