2019 jylǵy 10 aida áleýmettik saqtandyrý júiesine qatysýshy azamattarǵa Memlekettik áleýmettik saqtandyrý qorynan (MÁSQ) jalpy somasy 162,1 mlrd teńge kóleminde tólem júrgizildi, dep habarlaidy "Ult aqparat".
«Júktilik pen bosaný, jańa týǵan balany asyrap alý boiynsha áleýmettik tólemderge arnalǵan shyǵystar 65,1 mlrd teńgeni, bala bir jasqa tolǵanǵa deiin onyń kútimine – 74,2 mlrd teńgeni, eńbek etý qabiletinen aiyrylý boiynsha – 11,4 mlrd teńgeni, asyraýshysynan aiyrylý boiynsha – 7,8 mlrd teńgeni, jumysynan aiyrylýǵa qatysty – 3,6 mlrd teńgeni qurady», - delingen Eńbek jáne halyqty áleýmettik qorǵaý ministrligi málimetinde.
Júktiligine jáne bosanýyna, jańa týǵan balany (balalardy) asyrap alýǵa bailanysty analarǵa arnalǵan Memlekettik áleýmettik saqtandyrý qorynan tólenetin tólemderdiń ortasha mólsheri 424 063 teńgege jetti, al tólem alýshylardyń sany 164 myń adamdy qamtydy.
Sonymen qatar, bala bir jasqa tolǵanǵa deiin onyń kútimine áleýmettik tólemderdiń mólsheri 30 925 teńgeni qurady, ony 395 myń azamat aldy. 54,7 myń adam jumysynan airylý jaǵdaiy boiynsha áleýmettik járdemaqy aldy, onyń ortasha mólsheri 22 631 teńgeni qamtydy.
Belgili bolǵandai, 46,6 myńnan astam qazaqstandyqqa asyraýshysynan airylý jaǵdaiynda tólemder tólendi, olardyń ortasha mólsheri 17 628 teńgeni qurady.
Taǵy 85,3 myń azamat eńbekke qabiletinen airylýy jaǵdaiynda áleýmettik járdemaqy aldy. Bul tólemniń ortasha mólsheri 14 860 teńgeni qamtydy.
