Foto: primeminister.kz
Shildeniń sońǵy eki aptasynda áleýmettik mańyzy bar ónimderge -0,2% mólsherinde defliatsiia tirkeldi. Senbi Premer-Ministrdiń orynbasary Serik Jumanǵarinniń tóraǵalyǵymen ótken otyrysta atalǵan nátije men azyq-túlik baǵasyn turaqtandyrý sharalary talqylandy, dep habarlaidy "Ult aqparat" primeminister.kz saityna silteme jasap.
Toǵyz taýar boiynsha baǵa tómendegen. Baǵa túsýiniń uzaqtyǵy boiynsha kúnbaǵys maiy, qaraqumyq, qus eti kósh bastap tur. Ótken aptada piiaz, qant, sábiz, kartop, un, tuzdyń baǵa indeksi tómendedi.
Kóptegen áleýmettik ónim baǵasynyń tómendeýine qaramastan, olardyń keibiri, atap aitqanda, qyryqqabat, jumyrtqa, kúrish baǵasynyń shamaly ósý úrdisi saqtalǵan. Keńes barysynda osy máselege erekshe nazar aýdaryldy.
«Búginde azyq-túlik korporatsiiasy 6 myń tonna kúrish jarmasyn satyp alǵan. Óńirler tek 5,7 myń tonna kúrishke kelisim-shart jasady, ony 25 myń tonnaǵa deiin jetkizý tapsyrylǵan bolatyn. Kúrishtiń jetkilikti kólemde bolýy ǵana kúrish baǵasynyń ósý qarqynyn tómendetýge múmkindik beredi», — dedi saýda jáne integratsiia birinshi vitse-ministri Arman Shaqqaliev.
Sonymen qatar ol ainalym shemasy arqyly satyp alýdy uiymdastyrý boiynsha Qazaqstannyń jumyrtqa óndirýshiler qaýymdastyǵymen jumys júrip jatqanyn aitty. Óńirlerge tikelei óndirýshi zaýyttarmen kelisim-sharttar jasaýdy qamtamasyz etý tapsyryldy.
Deldaldyq shemalardy tergeý jónindegi óńirlik komissiialardyń jumysy bólek qaraldy. Jyl basynan beri komissiialar 1 108 otyrys ótkizip, 360 ónimsiz deldal joiyldy, 716 tizbek taldanyp, 122 fakt boiynsha saýda ústemesin asyrý qaýpi anyqtaldy.
«Mysaly, maýsym-shilde ailarynda iri óndirýshiler 5 myń satyp alýshyǵa 27 mln-nan astam jumyrtqa ótkizdi, onyń ishinde 1 500 jeke tulǵaǵa 1,5 mln-nan 2 mln-ǵa deiin jumyrtqa satyldy. Sodan keiin tizbek úziledi. QM MKK-men birlesip, zańsyz kásipkerlik úshin jeke tulǵalardy jaýapqa tartý máselesin qarastyrý, sondai-aq ÁMAT-ty ótkizý kezinde osy tulǵalardy elektrondyq shot-faktýralarǵa sáikestendirýdi júrgizý qajet dep sanaimyz», — dedi saýda jáne integratsiia birinshi vitse-ministri.
Sonymen qatar keńes barysynda aýyl sharýashylyǵy vitse-ministri Baǵlan Bekbaýov baiandama jasady. Ol 2024 jylǵy maýsymaralyq kezeńge óńirlerde piiaz jáne sábiz boiynsha usynylǵan kólem jinalǵanyn habarlady. Ákimdiktermen birlesip, kartop, qyryqqabat, qaraqumyq jarmasy, kúrish, kúnbaǵys maiy, un jáne qantqa forvardtyq kelisim-sharttar jasasý boiynsha jumys jalǵasyp jatyr.
«Eldegi salystyrmaly túrde turaqty jaǵdaiǵa qaramastan, ákimdikter áleýmettik ónimderdi, eń aldymen, piiaz ben qyryqqabat boiynsha kelisim-shart týrasynda belsendi jumysty jalǵastyrýy qajet. 1 tamyzǵa deiin kúrishti jetkizýge jáne qajetti kólem boiynsha aldyn ala kelisim-shartqa otyrýǵa forvardtyq kelisim-sharttar jasasý qajet. Jumyrtqa baǵasyn turaqtandyrý boiynsha tiisti sharalar qabyldaý, biznes, óndirýshiler, saýda jelilerimen jumys júrgizý, Qarjy ministrligimen jáne Básekelestikti qorǵaý jáne damytý agenttigimen birlesip, artyq deldaldardy joiý boiynsha jumys isteý qajet», — dep qorytyndylady Serik Jumanǵarin.
