فوتو: primeminister.kz
شٸلدەنٸڭ سوڭعى ەكٸ اپتاسىندا ەلەۋمەتتٸك ماڭىزى بار ٶنٸمدەرگە -0,2% مٶلشەرٸندە دەفلياتسييا تٸركەلدٸ. سەنبٸ پرەمەر-مينيستردٸڭ ورىنباسارى سەرٸك جۇمانعاريننٸڭ تٶراعالىعىمەن ٶتكەن وتىرىستا اتالعان نەتيجە مەن ازىق-تٷلٸك باعاسىن تۇراقتاندىرۋ شارالارى تالقىلاندى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
توعىز تاۋار بويىنشا باعا تٶمەندەگەن. باعا تٷسۋٸنٸڭ ۇزاقتىعى بويىنشا كٷنباعىس مايى, قاراقۇمىق, قۇس ەتٸ كٶش باستاپ تۇر. ٶتكەن اپتادا پيياز, قانت, سەبٸز, كارتوپ, ۇن, تۇزدىڭ باعا يندەكسٸ تٶمەندەدٸ.
كٶپتەگەن ەلەۋمەتتٸك ٶنٸم باعاسىنىڭ تٶمەندەۋٸنە قاراماستان, ولاردىڭ كەيبٸرٸ, اتاپ ايتقاندا, قىرىققابات, جۇمىرتقا, كٷرٸش باعاسىنىڭ شامالى ٶسۋ ٷردٸسٸ ساقتالعان. كەڭەس بارىسىندا وسى مەسەلەگە ەرەكشە نازار اۋدارىلدى.
«بٷگٸندە ازىق-تٷلٸك كورپوراتسيياسى 6 مىڭ توننا كٷرٸش جارماسىن ساتىپ العان. ٶڭٸرلەر تەك 5,7 مىڭ توننا كٷرٸشكە كەلٸسٸم-شارت جاسادى, ونى 25 مىڭ تونناعا دەيٸن جەتكٸزۋ تاپسىرىلعان بولاتىن. كٷرٸشتٸڭ جەتكٸلٸكتٸ كٶلەمدە بولۋى عانا كٷرٸش باعاسىنىڭ ٶسۋ قارقىنىن تٶمەندەتۋگە مٷمكٸندٸك بەرەدٸ», — دەدٸ ساۋدا جەنە ينتەگراتسييا بٸرٸنشٸ ۆيتسە-مينيسترٸ ارمان شاققاليەۆ.
سونىمەن قاتار ول اينالىم سحەماسى ارقىلى ساتىپ الۋدى ۇيىمداستىرۋ بويىنشا قازاقستاننىڭ جۇمىرتقا ٶندٸرۋشٸلەر قاۋىمداستىعىمەن جۇمىس جٷرٸپ جاتقانىن ايتتى. ٶڭٸرلەرگە تٸكەلەي ٶندٸرۋشٸ زاۋىتتارمەن كەلٸسٸم-شارتتار جاساۋدى قامتاماسىز ەتۋ تاپسىرىلدى.
دەلدالدىق سحەمالاردى تەرگەۋ جٶنٸندەگٸ ٶڭٸرلٸك كوميسسييالاردىڭ جۇمىسى بٶلەك قارالدى. جىل باسىنان بەرٸ كوميسسييالار 1 108 وتىرىس ٶتكٸزٸپ, 360 ٶنٸمسٸز دەلدال جويىلدى, 716 تٸزبەك تالدانىپ, 122 فاكت بويىنشا ساۋدا ٷستەمەسٸن اسىرۋ قاۋپٸ انىقتالدى.
«مىسالى, ماۋسىم-شٸلدە ايلارىندا ٸرٸ ٶندٸرۋشٸلەر 5 مىڭ ساتىپ الۋشىعا 27 ملن-نان استام جۇمىرتقا ٶتكٸزدٸ, ونىڭ ٸشٸندە 1 500 جەكە تۇلعاعا 1,5 ملن-نان 2 ملن-عا دەيٸن جۇمىرتقا ساتىلدى. سودان كەيٸن تٸزبەك ٷزٸلەدٸ. قم مكك-مەن بٸرلەسٸپ, زاڭسىز كەسٸپكەرلٸك ٷشٸن جەكە تۇلعالاردى جاۋاپقا تارتۋ مەسەلەسٸن قاراستىرۋ, سونداي-اق ەمات-تى ٶتكٸزۋ كەزٸندە وسى تۇلعالاردى ەلەكتروندىق شوت-فاكتۋرالارعا سەيكەستەندٸرۋدٸ جٷرگٸزۋ قاجەت دەپ سانايمىز», — دەدٸ ساۋدا جەنە ينتەگراتسييا بٸرٸنشٸ ۆيتسە-مينيسترٸ.
سونىمەن قاتار كەڭەس بارىسىندا اۋىل شارۋاشىلىعى ۆيتسە-مينيسترٸ باعلان بەكباۋوۆ بايانداما جاسادى. ول 2024 جىلعى ماۋسىمارالىق كەزەڭگە ٶڭٸرلەردە پيياز جەنە سەبٸز بويىنشا ۇسىنىلعان كٶلەم جينالعانىن حابارلادى. ەكٸمدٸكتەرمەن بٸرلەسٸپ, كارتوپ, قىرىققابات, قاراقۇمىق جارماسى, كٷرٸش, كٷنباعىس مايى, ۇن جەنە قانتقا فورۆاردتىق كەلٸسٸم-شارتتار جاساسۋ بويىنشا جۇمىس جالعاسىپ جاتىر.
«ەلدەگٸ سالىستىرمالى تٷردە تۇراقتى جاعدايعا قاراماستان, ەكٸمدٸكتەر ەلەۋمەتتٸك ٶنٸمدەردٸ, ەڭ الدىمەن, پيياز بەن قىرىققابات بويىنشا كەلٸسٸم-شارت تۋراسىندا بەلسەندٸ جۇمىستى جالعاستىرۋى قاجەت. 1 تامىزعا دەيٸن كٷرٸشتٸ جەتكٸزۋگە جەنە قاجەتتٸ كٶلەم بويىنشا الدىن الا كەلٸسٸم-شارتقا وتىرۋعا فورۆاردتىق كەلٸسٸم-شارتتار جاساسۋ قاجەت. جۇمىرتقا باعاسىن تۇراقتاندىرۋ بويىنشا تيٸستٸ شارالار قابىلداۋ, بيزنەس, ٶندٸرۋشٸلەر, ساۋدا جەلٸلەرٸمەن جۇمىس جٷرگٸزۋ, قارجى مينيسترلٸگٸمەن جەنە بەسەكەلەستٸكتٸ قورعاۋ جەنە دامىتۋ اگەنتتٸگٸمەن بٸرلەسٸپ, ارتىق دەلدالداردى جويۋ بويىنشا جۇمىس ٸستەۋ قاجەت», — دەپ قورىتىندىلادى سەرٸك جۇمانعارين.
