Qoǵamnyń áleýmettik-mańyzdy máselelerin sheshýde memleket – qoǵam – biznes ókilderi arasyndaǵy áriptestikke artylar senim zor. Bul týraly Aqparat jáne qoǵamdyq damý ministri Aida Balaeva málim etti, dep habarlaidy QazAqparat.
«Prezidentimiz Táýelsizdiktiń 30 jyldyǵyn keń kólemde atap ótýde halyq birligin arttyryp, eldi uiystyrýǵa arnalǵan izgi jobalarǵa basymdyq berýge shaqyrǵan. Bul – igiligi zor, qaiyrymy mol izgi shara. Oǵan azamattyq sektor men biznes-qaýymdastyq ókilderiniń, memlekettik organdar men barsha belsendi azamattardyń qatysýy óte mańyzdy», - dedi ministr «Qaiyrymdy ister» marafonynyń bastalýyna arnalǵan is-sharada.
Osy oraida ol qaiyrymdylyq pen donorlyq qyzmettiń odan ary damytý baǵytynda naqty usynystar kerektigin atap ótti.
«Sebebi qoǵamnyń áleýmettik-mańyzdy máselelerin sheshýde memleket – qoǵam – biznes ókilderi arasyndaǵy áriptestikke artylar senim zor. Sonyń ishinde, ásirese, úkimettik emes uiymdarǵa basa mán berýdemiz. Bul oraida, biz bul izgi jobaǵa niet bildirgen barlyq azamattar úshin – arnaiy áleýmettik jáne ekonomikalyq sharalar qabyldaý arqyly – bul úrdisti odan ary yntalandyrýdy qarastyryp otyrmyz.
Sondyqtan búgingi sharada, sizderdiń taraptaryńyzdan utymdy oi-pikirler, qaiyrymdylyq pen donorlyq qyzmetti odan ary damytý baǵytynda naqty usynystar men jobalar kútemiz», - dedi A. Balaeva.
Budan buryn habarlanǵandai, búgin elordada donorlar men metsenattardyń qatysýymen «Qaiyrymdy ister» marafony bastaldy.
Aita keteiik, «Qaiyrymdy ister» marafony bastamasyn Memleket basshysy Qasym-Jomart Toqaev kótergen bolatyn.
.jpeg)