Qazaqstanda koronavirýs infektsiiasynyń ekinshi tolqyny qaýpine bailanysty áleýmettik mańyzy bar azyq-túlik túrleriniń shekti baǵasy qaita bekitile me? Bul suraqqa Saýda jáne integratsiia ministri Baqyt Sultanov jaýap berdi, dep habarlaidy "Ult aqparat".
«Biyl koronavirýstyń alǵashqy tolqyny kezinde shekti baǵalardyń naryqtan tys mehanizmin engizýge májbúr boldyq. Osy ýaqyt aralyǵynda memlekettik organdarmen, biznespen aýqymdy jumys júrgizilip, aimaqtarda azyq-túliktiń, áleýmettik qordyń qory jasaldy, resýrstar bólindi», - dedi Baqyt Sultanov OKQ-da ótken baspasóz máslihatynda.
Ministrdiń aitýynsha, memleket tarapyn qolǵa alynǵan osy sharalardyń arqasynda baǵa edáýir turaqtaǵan.
«Áleýmettik mańyzy bar azyq-túlik taýarlaryna aldyńǵydai suranys kúrt artsa – baǵany ustap turý mehanizmi qaita engizilýi múmkin», - dedi ol.
