Qazaqstanda áleýmettik mańyzy bar azyq-túlik ónimderi taǵy qymbattady, dep habarlaidy Sputnik Qazaqstan ulttyq statistika biýrosyna silteme jasap.
Resmi málimetke sáikes, ótken aptada áleýmettik mańyzy bar azyq-túlik taýarlarynyń baǵasy 0,2 protsentke ósti. Ai bastalǵaly 0,4 protsentke, al jyl basynan beri 21 protsentke qymbattaǵan.
"Jyldyq mánde olar 20,5%-ke qymbattady, bul 2021 jyldyń uqsas kezeńimen salystyrǵanda 7,6 paiyzdyq tarmaqqa joǵary", - delingen resmi habarlamada.
Ótken apatada qymbattaǵan taýarlar:
jumyrtqa, I sanat + 1,4%
piiaz + 1,2%
Ótken apta arzandaǵan taýarlar:
qaraqumyq – 0,2%
sábiz – 0,8%
qant – 0,5%
Respýblika boiynsha áleýmettik mańyzy bar keibir taýarlardyń ortasha baǵasy:
kúrish kelisine – 332 teńge;
qanttiń bir kelisi – 502 teńge;
súzbe kelisi – 1844 teńge.
Aita keteri, áleýmettik mańyzy bar azyq-túlik taýarlarynyń tizbesine 19 ataý kiredi. Sonyń ishinde tútik kespe, qaraqumyq, kúrish, kartop, sábiz, piiaz, oramjapyraq, qant, kúnbaǵys maiy, siyr men taýyq eti, sút, airan, jumyrtqa bar.
