Áleýmettik mańyzy bar azyq-túlik satýshylarǵa saýda alańyn jaldaý aqysy tómendetiledi, dep habarlaidy QazAqparat.
«Jospardyń ekinshi bóligi boiynsha halyqtyń azyq-túlik taýarlaryn tutyný shyǵystarynyń úlesin tómendetý jáne baǵalardy turaqtandyrý boiynsha 5 jedel jáne 1 orta merzimdi is-sharalardy iske asyrýǵa baǵyttalǵan», - dedi QR Aýyl sharýashylyǵy ministri Erbol Qarashókeev Úkimet otyrysynda.
Sondai-aq, ol salada jańadan 25 myń sharýashylyq qurý josparda bar ekenin málim etti.
«Bul azyq-túlik taýarlarynyń baǵalaryn boljaý, áleýmettik mańyzy bar azyq-túlik taýarlaryn satýshylary úshin saýda naryqtarynyń jaldaý aqysyn tómendetý, baǵalardy ákimshilik retteýden halyqtyń áleýmettik osal toptaryn ataýly qoldaýǵa kóshý boiynsha sharalar ázirleý, turaqtandyrý qorlary qyzmetiniń tiimdiligine baǵalaý júrgizý, aýyldyq jerlerde jumyspen qamtýdy ulǵaitýdyń jańa nysandary arqyly keminde 25 myń sharýashylyq qurý jolymen aýyl sharýashylyǵy jerleriniń ainalymy, sondai-aq jańa sýarmaly jerlerdi igerý siiaqty is-sharalardy qamtidy», - dedi ministr.
Al úshinshi bólim tutynýshylardy qaýipsiz ónimmen qamtamasyz etý boiynsha 4 jedel jáne 3 orta merzimdi is-sharalardy iske asyrýdy kózdeidi.
«Zerttelip otyrǵan importtyq ónimniń úlesin 80%-ǵa deiin arttyrý úshin tamaq ónimderiniń sapasy men qaýipsizdigin baqylaýdy qamtamasyz etý, 2024 jyly otandyq veterinariialyq jáne biopreparattardyń úlesin 80%-ǵa deiin ulǵaitý úshin qolda bar veterinariialyq jáne biopreparattar óndiretin otandyq kásiporyndardy jańǵyrtý jáne jańalaryn qurý sharalary bar», - dedi Erbol Qarashókeev.
