Elektrondy shot-faktýralar aqparattyq júiesi negizinde Qazaqstan aýmaǵynda baqylanatyn áleýmettik mańyzy bar azyq-túlik taýarlaryn jáne tas kómirdi ákimshilendirýdi jetildirý úshin pilottyq jobany iske qosý josparlanǵan, dep habarlaidy QazAqparat Memlekettik kirister komitetine silteme jasap.
Infliatsiianyń ósýine, azyq-túlik ónimderi men munai ónimderine baǵanyń ósýine jol bermeý jónindegi sharalar sheńberinde Memlekettik kirister komiteti «Elektrondyq shot-faktýralardyń aqparattyq júiesi negizinde Qazaqstan Respýblikasynyń aýmaǵynda baqylanatyn áleýmettik mańyzy bar azyq-túlik taýarlaryn jáne (nemese) tas kómirdi ákimshilendirýdi jetildirý jónindegi pilottyq jobany iske asyrý qaǵidalaryn bekitý týraly» Qarjy ministri buiryǵynyń jobasyn ázirledi.
Osy buiryqpen áleýmettik mańyzy bar taýarlar men kómirdi ótkizý kezinde elektrondyq shot-faktýralardy (EShF) shyǵarý boiynsha salyq tóleýshilerdiń mindetin engizý bóliginde pilottyq jobany 2022 jylǵy 31 jeltoqsanǵa deiin iske asyrý kózdeledi.
Buiryq jobasy Ashyq NQA portalynda jariialanǵan.
