QR Eńbek jáne halyqty áleýmettik qorǵaý vitse-ministri Erbol Ospanov áleýmettik ámiian engizý barysy nelikten keshigip jatqanyn túsindirdi, dep habarlaidy QazAqparat.
«Áleýmettik ámiian engizý jumysyn 4 memlekettik organ, atap aitqanda Ulttyq bank, Saýda jáne integratsiia, Eńbek jáne halyqty áleýmettik qorǵaý, Tsifrlyq damý jáne aeroǵarysh ónerkásibi ministrlikteri júrgizip jatyr. Bul jumys ótken jyly qarqyndy júrgizilip, qajetti normativtik-quqyqtyq aktiler qabyldanǵan bolatyn. Qazirgi ýaqytta Ulttyq bank júiesi Eńbek jáne halyqty áleýmettik qorǵaý ministrliginiń júielerimen testileý júrgzilip jatyr. Ony iske qosýdy taiaý ýaqytqa josparlap otyrmyz. Ol úshin arnaýly alań daiyndaimyz», - dedi vitse-ministr ortalyq kommýnikatsiialar qyzmetinde ótken brifing barysynda.
Osy rette Erbol Ospanov jobaǵa ilki rejimde qatysatyn óńirlerdi tizimi aiqyndalǵanyn jetkizdi.
Sonymen qatar birinshi kezekte qolǵa alynatyn memlekettik áleýmettik tólemder de belgili.
«Testileý rejimi aiaqtalǵannan keiin iske qosamyz jáne azamattarǵa áleýmettik ámiian arqyly áleýmettik tólem alýda tańdaý jasaý múmkindigin beremiz. Jumys aiaqtala salysymyn búkil elge habarlaimyz ári áleýmettik ámiiandy qalai qoldanýǵa bolatyndyǵyn túsindiremiz. Bul júie arqyly áleýmettik tólemderge qatysty úlken somadaǵyqarajat júretin bolady. Soǵan orai tiisti infraqurylym kerek. Ámiianǵa túsetin qarajat jaratylýy qajet. Adamdar osy qural arqyly saýda úilerinde, dúkenderde tólem jasai alýy tiis. Al ol úshin daiyn infraqurylym kerek», - dedi Erbol Ospanov.
