AQSh pen basqa da elderde qor saýdasyndaǵy indeksterdiń aitarlyqtai tómendeýine bailanysty álemniń eń bai 500 adamynyń jiyntyq jaǵdaiy dúisenbi kúni shamamen 139 mlrd dollarǵa kemidi. Bul týraly Bloomberg agenttigi jariialady.
Bul – 2016 jyldyń qazan aiynda agenttik osyndai baqylaýlar júrgize bastaǵan sátten bastap eseptegendegi reitingke engizilgen adamdardyń joǵaltqan eń kóp shyǵyny. LVMH (Louis Vuitton Moet Hennessy) frantsýz kompaniia tobynyń bas direktory Bernar Arno men Amazon korporatsiiasynyń basshysy Djeff Bezostyń árqaisysy 4,8 mlrd dollardan aiyrylǵan. Olar - tizimge engen asa bai biznesmenderdiń arasyndaǵy eń kóp shyǵynǵa ushyraǵandar. Bezos burynǵysha álemdegi eń bai adam, al Arno atalǵan kórsetkish boiynsha úshinshi orynda tur. Zara ispandyq saýda jelisiniń qojaiyny Amansio Orteganyń jaǵdaiy 4 mlrd dollarǵa, Facebook kompaniiasynyń basshysy Mark Tsýkerbergtiki 3,48 mlrd dollarǵa, al Google kompaniiasynyń negizin qalaýshy Larri Peidjdiki 2,7 mlrd dollarǵa azaiǵan.
Agenttiktiń baǵalaýyna sáikes, reseilik milliarderlerdiń ishinen sońǵy táýlikte «Lýkoildyń» prezidenti Vagit Alekperov bárinen kóp aqsha joǵaltty. Onyń qarjysy 1,21 mlrd-qa azaiǵan. Ekinshi orynda – «Novatek» basshysy Leonid Mihelson (692 mln dollar), úshinshi orynda «Lýkoil» vitse-prezidenti Leonid Fedýn (508 mln dollar).
AQSh-taǵy qor saýdasy dúisenbi kúni jańa koronavirýstyń taralýy álemdik ekonomikaǵa zalal keltirýi múmkin degen qaýipterge orai baǵa belgilenimderiniń tómendeýimen aiaqtaldy.
