Qazaqtyń Uly aqyny Abaidyń 175 jyldyq mereitoiyna orai 2020 jyldyń 5 shildesinde 50-den astam shet elde halyqaralyq «Abai dombyrasy-party» mádeni sharasy ótedi, dep habarlaidy QazAqparat.
«QR Tuńǵysh Prezidenti - Elbasy Nursultan Nazarbaev jyl saiyn shildeniń birinshi jeksenbisinde Ulttyq Dombyra kúnin atap ótý bastamasyn kótergen bolatyn. Osyǵan orai 2020 jyldyń 5 shildesinde 50-den astam shet elde halyqaralyq «Abai dombyrasy-party» mádeni sharasy ótedi«, - dep atap ótedi QR Syrtqy ister ministrliginiń baspasóz qyzmetinen.
Sonymen qatar Abai atyndaǵy Qazaq memlekettik akademiialyq opera jáne balet teatry men «Astana Opera» teatry A.Jubanov pen L.Hamididiń «Abai» operasymen shetelge gastrolderge shyǵady.
«Al Naýryz meiramynda shet elderde bilim alyp jatqan jastarymyz, otandastarymyz Naýryz meiramy qarsańynda elshilikterde «Uly Abai – halyq júreginde» atty Abai shyǵarmashylyǵy negizinde diktant jazyp, #MenAbaidyoqimyn halyqaralyq chellendjine qatysady», - deidi vedomstvodan.
Esterińizge sala ketsek, taiaýda Aqordada Memlekettik hatshy Qyrymbek Kósherbaevtyń tóraǵalyǵymen Abaidyń 175 jyldyq mereitoiyn daiyndaý jáne ótkizý jónindegi memlekettik komissiia otyrysy ótken bolatyn. Sol jiynda 2020 jyldyń 8 qańtarynda elordadaǵy «Qazaqstan» ortalyq kontsert zalynda Hakim Abaidyń 175 jyldyq mereitoiynyń bastalýyna arnalǵan saltanatty shara ótetindigi belgili bolǵan edi.
Jalpy, kelesi jyly uly aqynnyń 175 jyldyq mereitoiyna orai álemniń birqatar qalasynda Abai eskertkishi boi kóterip, estelik poshta markalary shyǵarylady, ortalyqtar ashylady.
Munan bólek aqyn shyǵarmalary álemniń 30 tiline aýdarylady.
