Álemge tanymal qazaqstandyq kibersportshy Danil «Molodoy» Golýbenko Turaqty damý maqsatyndaǵy Halyqaralyq volonterler jylynyń jahandyq ambassadory bolyp taǵaiyndaldy, dep habarlaidy ult.kz.
2026 jyl Qazaqstan Prezidenti Qasym-Jomart Toqaevtyń bastamasymen BUU Bas Assambleiasynyń sheshimi negizinde Turaqty damý maqsatyndaǵy Halyqaralyq volonterler jyly bolyp jariialanǵan bolatyn.
Danil Golýbenkonyń jahandyq ambassador retinde taǵaiyndalýy álem jastary arasynda volonterlik mádenietti, qoǵamdyq belsendilik pen azamattyq jaýapkershilik qundylyqtaryn keńinen nasihattaýǵa baǵyttalǵan mańyzdy qadam retinde baǵalanýda.
Bastama aiasynda tanymal kibersportshy halyqaralyq deńgeide eriktilik qyzmettiń mańyzyn dáriptep, jastardy qoǵamdyq igilikke baǵyttalǵan jobalarǵa belsendi qatysýǵa yntalandyrady.
