Qazaqstan Ulttyq banki bazalyq mólsherlemeni +/– 2 p.t. paiyzdyq dálizben jyldyq 9,50% deńgeiinde saqtaý týraly sheshim qabyldady.
Ulttyq banktiń habarlaýynsha, álemdik ekonomikadaǵy ahýal turaqtandy, al jekelegen taýar jáne qarjy naryqtarynda jandaný baiqaldy. Munaidy tutyný Qytai ekonomikasynyń qalpyna kelý belgileri, keibir Eýropa elderi men AQSh-taǵy karantin sharalarynyń jeńildeýi aiasynda birtindep iske qosyla bastady. OPEK+ elderi munai óndirisin qysqartý mámilesiniń ólshemderin uzartý týraly aldyn ala ýaǵdalastyqqa qol jetkizdi. Munai óndirýdi táýligine 9,7 mln barrelge tómendetý shilde aiynyń sońyna deiin jalǵasady.
Sonymen qosa, COVID-19 pandemiiasy jáne infektsiianyń taralýymen kúres boiynsha shekteý sharalary álemdik ekonomikaǵa teris áser etýin jalǵastyrýda. 2020 jylǵy mamyrda iskerlik belsendilik kórsetkishteri áli de bolsa tarihi barynsha tómenge jýyq deńgeide qalyp otyr. Bul ahýal Qazaqstandaǵy ekonomikalyq belsendilikke jáne infliatsiialyq protsesterge teris yqpal etedi.
Bazalyq mólsherleme boiynsha kezekti sheshim 2020 jylǵy 20 shildede jariialanatyn bolady.
