Álemdegi avtosport jarysynyń eń uzaq jáne eń qaýipti «Jibek joly -2020» ralli-reidiniń marshrýty Qazaqstan aýmaǵynan ótedi, dep habarlaidy "Ult aqparat" sport.inform.kz-ke silteme jasap.
Bul Resei, Qazaqstan jáne Qytai sekildi úsh eldiń memleketaralyq jobasynyń onynshy, merekelik marafony. «Jibek joly» merekelik rallii 2020 jyldyń 3 shildesinde Máskeý qalasyndaǵy Qyzyl alańda bastalyp, 16 shilde kúni Qytaidaǵy Úrimjide aiaqtalady.
Qatysýshylardy Reseidiń ormandary men ózenderi men jolsyz aimaqtarynan keiin Qazaqstannyń jazyqtary men dalalary, alyp shóleit landshaft kútip tur. Sodan keiin qatysýshylar bir kún demalyp, Gobi shólinde jalǵasyn tabatyn qytailyq kezeńge jol tartady. 8000 kilometr qashyqtyqty eńsergen marafon Úrimjide aiaqtalady.
«Jibek joly» ralliiniń uiymdastyrýshylary bul jarystyń teńdesi joq dep esepteidi.
«Bizdi barlyq jerde taǵatsyzdana kútip otyratynyn ár qatysýshy biledi. Rallidiń kómegimen biz álem jurtshylyǵyna jergilikti turǵyndardy, olardyń mádenieti men tabiǵatynyń ádemiligin kórsetkimiz keledi. Biz merekelik on jyldyq basylymǵa logistika turǵysynan qiyn emes, biraq sport turǵysynan qyzyqty marshrýt jasaýdy oiladyq, - deidi joba jetekshisi, burynǵy «KAMAZ Master» komandasynyń beldi múshesi Vladimir Chagin.
Atap ótetin jait, «Jibek joly» transkontinentaldy jarysy tuńǵysh ret ralli-reid boiynsha FIA Álem Kýbogynyń kezeńine ainaldy. Silk Way Rally 2020 kross-kantriden FIM álem chempionaty men ralli-reid boiynsha FIA álem kýbogynyń eń uzaq kezeńi bolady.
Esterińizge sala keteiik, Qazaqstanda «Jibek joly» rallii eki jyl qatarynan ótkizilgen. 2016 jyly transkontinentaldy marafon qatysýshylary «Jibek jolyn» álemdegi eń kúrdeli jarys dep atady.
