ەلەمدەگٸ اۆتوسپورت جارىسىنىڭ ەڭ ۇزاق جەنە ەڭ قاۋٸپتٸ «جٸبەك جولى -2020» راللي-رەيدٸنٸڭ مارشرۋتى قازاقستان اۋماعىنان ٶتەدٸ, دەپ حابارلايدى "ۇلت اقپارات" sport.inform.kz-كە سٸلتەمە جاساپ.
بۇل رەسەي, قازاقستان جەنە قىتاي سەكٸلدٸ ٷش ەلدٸڭ مەملەكەتارالىق جوباسىنىڭ ونىنشى, مەرەكەلٸك مارافونى. «جٸبەك جولى» مەرەكەلٸك رالليٸ 2020 جىلدىڭ 3 شٸلدەسٸندە مەسكەۋ قالاسىنداعى قىزىل الاڭدا باستالىپ, 16 شٸلدە كٷنٸ قىتايداعى ٷرٸمجٸدە اياقتالادى.
قاتىسۋشىلاردى رەسەيدٸڭ ورماندارى مەن ٶزەندەرٸ مەن جولسىز ايماقتارىنان كەيٸن قازاقستاننىڭ جازىقتارى مەن دالالارى, الىپ شٶلەيت لاندشافت كٷتٸپ تۇر. سودان كەيٸن قاتىسۋشىلار بٸر كٷن دەمالىپ, گوبي شٶلٸندە جالعاسىن تاباتىن قىتايلىق كەزەڭگە جول تارتادى. 8000 كيلومەتر قاشىقتىقتى ەڭسەرگەن مارافون ٷرٸمجٸدە اياقتالادى.
«جٸبەك جولى» رالليٸنٸڭ ۇيىمداستىرۋشىلارى بۇل جارىستىڭ تەڭدەسٸ جوق دەپ ەسەپتەيدٸ.
«بٸزدٸ بارلىق جەردە تاعاتسىزدانا كٷتٸپ وتىراتىنىن ەر قاتىسۋشى بٸلەدٸ. رالليدٸڭ كٶمەگٸمەن بٸز ەلەم جۇرتشىلىعىنا جەرگٸلٸكتٸ تۇرعىنداردى, ولاردىڭ مەدەنيەتٸ مەن تابيعاتىنىڭ ەدەمٸلٸگٸن كٶرسەتكٸمٸز كەلەدٸ. بٸز مەرەكەلٸك ون جىلدىق باسىلىمعا لوگيستيكا تۇرعىسىنان قيىن ەمەس, بٸراق سپورت تۇرعىسىنان قىزىقتى مارشرۋت جاساۋدى ويلادىق, - دەيدٸ جوبا جەتەكشٸسٸ, بۇرىنعى «كاماز ماستەر» كومانداسىنىڭ بەلدٸ مٷشەسٸ ۆلاديمير چاگين.
اتاپ ٶتەتٸن جايت, «جٸبەك جولى» ترانسكونتينەنتالدى جارىسى تۇڭعىش رەت راللي-رەيد بويىنشا FIA ەلەم كۋبوگىنىڭ كەزەڭٸنە اينالدى. Silk Way Rally 2020 كروسس-كانتريدەن FIM ەلەم چەمپيوناتى مەن راللي-رەيد بويىنشا FIA ەلەم كۋبوگىنىڭ ەڭ ۇزاق كەزەڭٸ بولادى.
ەستەرٸڭٸزگە سالا كەتەيٸك, قازاقستاندا «جٸبەك جولى» رالليٸ ەكٸ جىل قاتارىنان ٶتكٸزٸلگەن. 2016 جىلى ترانسكونتينەنتالدى مارافون قاتىسۋشىلارى «جٸبەك جولىن» ەلەمدەگٸ ەڭ كٷردەلٸ جارىس دەپ اتادى.
