Álem jurtshylyǵyn ábigerge salǵan koronvirýs indetiniń beti qaitar emes. Densaýlyq saqtaý ministrliginiń sońǵy málimetinshe, virýs Jer sharynyń 190-nan astam eline jetip, naýqasqa shaldyqqandar 343 myńnan asty. Sońǵy táýliktiń ózinde 32 685 adamnyń virýs juqtyrǵany belgili. Qazirgi ýaqytta koronavirýstan 17 739 adam qaza tapsa, qulan-taza jazylyp shyqqandary 97 344 adam boldy.
Koronavirýs oshaǵy sanalǵan Qytaida osy kúnge deiin 81 435 adam virýs juqtyryp, 3 260 adam qaza tapsa, 71 862 adam jazylyp shyqty. Búginde bul elde virýstyń taralýy kúnnen-kúnge tómendep kele jatyr. Tipti el ishinde sońǵy ýaqytta indet juqtyrǵandar tirkelmegenimen shet elderden kelip jatqan azamattarynan virýs tabylyp jatqany habarlanýda.
Jalpy qazirgi ýaqytta Qytai aýrýhanalaryna 5 120 adam jatyr.
Ókinishke orai Eýropa memleketterinde indet ýshyǵyp tur. Italiiada virýs 53 578, Ispaniiada 25,3 myń, Germaniiada 22,2 myń adamǵa taralǵan. Jalpy, kári qurlyqtyń virýs taralmaǵan eli joq desek te bolady. Sondyqtan Eýropa elderi indettiń taralýyn boldyrmaý úshin qatań sharalardy da qabyldap jatyr. Máselen, Germaniiada eki adamnan artyq jinalýǵa bolmaidy. Adamdarmen bailansty da barynsha qysqartý qajet. Qoǵamdyq oryndarda adamdardyń arasyndaǵy qashyqtyq 1,5 metrden kem bolmaýy tiis. Aita keterligi, kúni keshe Germaniia kantsleri Angela Merkel COVID-19 virýsyn juqtyrǵan dárigermen qarym-qatynas jasaǵan soń karantinge jatqyzylǵan edi.
AQSh-tyń da jaǵdaiy máz emes. Bir táýliktiń ózinde 9 myńnan astam amerikalyqtan koronavirýs tabyldy. Qurama Shtattarda osy ýaqytta 33 546 adamnyń virýs juqtyrǵany anyqtalǵan. Qaza tapqandar sany - 419, onyń 117-sisońǵy táýlikte kóz jumǵan. Osyǵan bailanysty el Prezidenti Donald Tramptyń tótenshe jaǵdai jariialady.
Qazirgi ýaqytta álemdik álem elderi koronavirýsqa qarsy vaktsina daiyndaýǵa belsendi kirisip ketken. Biraq, onyń taiaý kúnderi shyǵa qoiýy da qiyndaý siiaqty. Dúniejúzilik densaýlyq saqtaý uiymy da vaktsinany daiyndaý jáne synaqtan ótkizý úshin keminde 1 jyl ýaqyt kerek ekendigin aityp otyr. Óitkeni, mundai vaktsinany milliardtaǵan adam alatyn bolǵandyqtan ol barynsha qaýipsiz ári eshkimge eshqandai ziianyn tigizbeitindei bolýy shart. Dúniejúzilik densaýlyq saqtaý uiymynyń tótenshe jaǵdailar jónindegi baǵdarlamasynyń direktory Maikl Raian da vaktsina qoldanylmastan buryn onyń tiimdiligi jáne qaýipsizdigi rastalýy kerektigin, sodan keiin ǵana jetkilikti kólemde shyǵarýy tiistigin aitqany este.
Jalpy AQSh-ta NIAID ǵalymdary men Kembridjdegi Moderna Inc. biotehnologiialyq kompaniiasynyń ǵalymdary koronavirýsqa qarsy jańa vaktsinany jasap ta úlgerip, bir adamǵa saldy. ldaǵy alty apta boiy ǵalymdar taǵy 45 adamǵa zertteý júrgizedi. Osylaisha vaktsinanyń qaýipsizdigi tekserilmek. Jańa preparat klinikalyq synaqtyń úsh satysynan ótýi tiis. Eger qazirgi test sátti aiaqtalsa, onda jappai paidalanýǵa vaktsina 12-18 ai ishinde berilmek. Qytaidyń Ǵylym jáne tehnologiia ministri Siýi Nanpin de koronavirýsqa qarsy eksperimenttik vaktsinany sáýir aiynyń sońynda emhanalyq synaqtan ótkizetindikterin jariialaǵan bolatyn.
Elimizdiń Bilim jáne ǵylym ministrliginiń tapsyrmasy boiynsha Ulttyq biotehnologiia ortalyǵy men Biologiialyq qaýipsizdik problemalarynyń ǵylymi-zertteý institýty birlesip, COVID-19 koronavirýsyna qarsy vaktsina ázirleýge kiriskeni de belgili. Atalǵan ortalyq ǵalymdary COVID-19 koronavirýsyn 6 kúnniń ishinde anyqtaityn test júiesin oilap tapqan. Qazaqstandyq test júiesiniń tiimdiligi men ótkir sezimtaldyǵy reseilik jáne qytailyq diagnostikalyq diagnostikýmdardan kem emestigi anyqtalǵan.
