Búkil álemde tek ońtústik-shyǵys Aziia aimaǵynda koronavirýs infektsiiasynyń taralý deńgeiiniń báseńdegeni baiqalady. Úkimet otyrysynda Densaýlyq saqtaý ministri Aleksei Tsoi osyndai málimetti aityp ótti, dep habarlaidy QazAqparat.
«Koronavirýs pandemiiasy búkil álemdi sharpydy. Meditsinalyq kómektiń qoljetimdiligine, qabyldanǵan karantin sharalaryna, halyqtyń saqtyq sharalaryn saqtaýyna qarai indettiń qarqyny álemniń ártúrli elderinde árqily sipatta taralýda. Búgingi tańda álemniń 220 elinde koronavirýs infektsiiasyn 95 million adam juqtyrǵan. 2 millionǵa jýyq azamat kóz jumyp, indetten kelgen ólimniń álemdik kórsetkishi 2,1 paiyzdy quraidy. Amerika, Tynyq muhitynyń batys bóliginde jáne Afrikada halyqtyń indetti juqtyrý kórsetkishi áli de jalǵasýda. Eýropada, batysqa qarai Jerorta teńizi aimaǵynda da indettiń betin qaitarlyq túri joq. Koronavirýstyń báseńdeý jaǵdaiy tek ońtústik-shyǵys Aziia aimaǵynda baiqalady», - dedi Aleksei Tsoi Úkimet otyrysynda.
Onyń aitýynsha koronavirýstyń taralýy jaǵynan Qazaqstan «sary» aimaqta tur.
««Sary» aimaqta sonymen qatar Túrkiia bar. «Qyzyl» aimaqta Ýkraina, RF, Belarýs, Germaniia, Italiia, Frantsiia, BAÁ bar. Ońtústik Koreia men Singapýr «jasyl» aimaqta», - dedi ministr.
