Álemdegi eń úlken A68 aisbergi erip ketti. Ol birneshe bólikke bólinip qalǵan, dep habarlaidy "Ult aqparat" Sky News-qa silteme jasap.
2017 jyly Antarktika túbeginiń Larsen muzdyǵynan bólingen aisbergtiń aýdany 5800 sharshy shaqyrym, al massasy shamamen bir trillion tonna bolǵan. Alaida, sońǵy spýtniktik málimetter boiynsha alyp aisberg nazardan joǵalyp, erip, usaq bólikterge bólinip qalǵan.
Alyp aisberg Aisbergter alleiasy ataýymen belgili aýdanda bir orynda qalqyǵan kúii shamamen bir jyl boiy qozǵalmaǵan.
Alaida A68 ýaqyt óte kele, jyly sý men aýanyń joǵary temperatýrasy saldarynan kólemi azaia túsken. Tipti usaq bólikterge bóline bastaǵan.
AQSh Ulttyq muz ortalyǵynyń zertteýshileri bul aisbergti baqylaý múmkin emes dep málimdedi. Aita keteiik, bul ortalyq uzyndyǵy 20 shaqyrymnan asatyn antarktikalyq aisbergterge ataý berip, baqylap otyrady jáne qujat jasaidy.
