Álemde COVID-19 koronavirýs infektsiiasyn juqtyrǵandar sany millionǵa jýyqtady. 1 sáýirde Dúniejúzilik densaýlyq saqtaý uiymynyń jetekshisi Tedros Gebreiesýs osylai dep málimdedi. Ol "infektsiianyń jyldam tarap jatqanyna" alańdaitynyn da jetkizdi. DDSU jetekshisiniń aitýynsha, virýstan kóz jumǵandar sany sońǵy aptada eki esege artqan.
Djon Hopkins ýniversitetiniń dereginshe, álemde virýs juqtyrǵandar sany 932 myńnan asqan. 47 myńnan astam adam kóz jumǵan. 193 myńnan astam adam aiyqqan.
Sársenbi kúni Ulybritaniia biligi bir kún ishinde elde 563 naýqas kóz jumǵanyn habarlady. 4300-den astam adamǵa virýs juqqan. Virýs juqtyrǵandardyń jalpy sany 29 myńnan asqan. Epidemiia bastalǵaly beri 2300-den astam adam qaitys bolǵan.
Eýropada koronavirýstan kóbirek zardap shekken Italiiada virýs juqtyrǵandar sany 110 myńnan asty. Bir kún ishinde 4800 adamnan virýs tabylǵan. Bir táýlik ishinde 727 adam kóz jumǵan. Virýstan jalpy 13 myńnan astam adam kóz jumǵan.
AQSh-ta 4 myńnan astam adam koronavirýstan kóz jumǵan. Sońǵy úsh kún ishinde kóz jumǵandar sany eki esege kóbeigen. Jaqynda prezident Donald Tramp "alda aýyr eki apta bar" dep málimdegen.
Jaqyn arada Niý-Iorkke meditsinalyq jabdyqtar tielgen Resei áýe ǵarysh kúshteriniń ushaǵy qonýy tiis. Eki el basshysy jaqynda telefon arqyly áńgimelesken kezde kómek jaily da kelisken. Halyqaralyq kómekke bailanysty pikirin aitqan Tramp Resei men Qytai kómek usynǵan kezde tańǵalǵanyn aitqan.
