Álemde negizgi azyq-túlik baǵasynyń turaqty túrde ósý tendentsiiasy baiqalady. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Azyq-túlik naryǵynyń turaqtylyǵyn qamtamasyz etý elderimizdiń ekonomikalyq qaýipsizdiginiń jáne kezeń-kezeńmen damýynyń mańyzdy sharty bolyp qalady. Álemde negizgi azyq-túlik baǵasynyń turaqty túrde ósý tendentsiiasy baiqalady. Infliatsiia óte joǵary. Olardyń qunynyń munan ary da artý múmkindigi áleýmettik-ekonomikalyq kúizelister jáne jetkizý tizbeginiń buzylý táýekelimen kúsheiedi», - dep atap ótti Qasym-Jomart Toqaev «Úndistan – Ortalyq Aziia» sammiti barysynda.
Osy rette Memleket basshysy Ortalyq Aziia jáne Úndistan basshylaryna Aýyl sharýashylyǵy ministrleriniń keńesin ótkizýdi usyndy.
«Sońǵy ýaqytta mundai faktorlardyń agrosektorǵa qysymy aitarlyqtai baiqaldy. Sondyqtan bizdiń dialogymyzdyń aiasynda agrotehnologiialyq jáne ǵylymi-innovatsiialyq ózara is-qimyldy nyǵaitý jónindegi is-sharalar ázirleý jaqsy bolar edi. Aýyl sharýashylyǵy ministrleriniń turaqty keńesin ótkizý de paidaly bolmaq», - dedi QR Prezidenti.
