Álemde COVID-19 koronavirýsyn juqtyrǵandar 1,5 millionnan asyp ketti.
Virýs juqtyrǵandar sany jaǵynan AQSh álemde birinshi orynda tur. Munda 431 myń adamnan virýs tabylǵan. Sońǵy bir kún ishinde virýs juqqan 27 myńnan astam adam anyqtalǵan. 1800-den astam adam kóz jumǵan. Indet jaiyla bastaǵannan beri 14 800 naýqas kóz jumǵan.
Ekinshi orynda Ispaniia tur. Munda 148 myń turǵynnan virýs tabylǵan, 15 myń adam kóz jumǵan.
Italiiada shamamen 140 myń adamnan virýs anyqtalǵan. 17 myńy qaitys bolǵan.
Ótken jyly jeltoqsan aiynyń sońynda Qytaidyń Ýhan qalasynda koronavirýstyń jańa túri tarai bastaǵan. Qytaida resmi derek boiynsha, 82 myń adam dertke shaldyqqan. Úsh myńnan astam adam qaitys bolǵan. Jaqynda Qytai virýs oshaǵy Ýhan qalasyn qaitadan ashty. Keibir sarapshylar Pekin koronavirýs juqtyrǵandar sany men kóz jumǵandar sanyn tómendetip kórsetedi dep sanaidy.
