ەلەمدە COVID-19 كوروناۆيرۋسىن جۇقتىرعاندار 1,5 ميلليوننان اسىپ كەتتٸ.
ۆيرۋس جۇقتىرعاندار سانى جاعىنان اقش ەلەمدە بٸرٸنشٸ ورىندا تۇر. مۇندا 431 مىڭ ادامنان ۆيرۋس تابىلعان. سوڭعى بٸر كٷن ٸشٸندە ۆيرۋس جۇققان 27 مىڭنان استام ادام انىقتالعان. 1800-دەن استام ادام كٶز جۇمعان. ٸندەت جايىلا باستاعاننان بەرٸ 14 800 ناۋقاس كٶز جۇمعان.
ەكٸنشٸ ورىندا يسپانييا تۇر. مۇندا 148 مىڭ تۇرعىننان ۆيرۋس تابىلعان, 15 مىڭ ادام كٶز جۇمعان.
يتالييادا شامامەن 140 مىڭ ادامنان ۆيرۋس انىقتالعان. 17 مىڭى قايتىس بولعان.
ٶتكەن جىلى جەلتوقسان ايىنىڭ سوڭىندا قىتايدىڭ ۋحان قالاسىندا كوروناۆيرۋستىڭ جاڭا تٷرٸ تاراي باستاعان. قىتايدا رەسمي دەرەك بويىنشا, 82 مىڭ ادام دەرتكە شالدىققان. ٷش مىڭنان استام ادام قايتىس بولعان. جاقىندا قىتاي ۆيرۋس وشاعى ۋحان قالاسىن قايتادان اشتى. كەيبٸر ساراپشىلار پەكين كوروناۆيرۋس جۇقتىرعاندار سانى مەن كٶز جۇمعاندار سانىن تٶمەندەتٸپ كٶرسەتەدٸ دەپ سانايدى.
