Eýropada koronavirýs jyldam tarap jatyr.
Seisenbide birden Shyǵys Eýropanyń tórt memleketinde, sonyń ishinde Ýkrainada koronavrýs juqtyrý jaǵdailarynyń rekordtyq sany tirkeldi. Parijde qarqyndy terapiia palatalarynda bos oryndar sany az, al Shotlandiia men Belgiiada pabtar jabylýda, dep habarlaidy VVS agenttigi.
Djons Hopkins ýniversitetiniń málimeti boiynsha álemde Covid-19 juqtyrǵandar sany 35,8 mln adamǵa jetti, millionnan astamy kóz jumdy. Pandemiia ýaqytynda 25 mln-nan astam patsient saýyǵyp shyqty.
Aýrýdyń taralýy boiynsha AQSh kósh bastap tur. Munda 7,5 mln adamǵa koronavirýs diagnozy qoiylǵan.
Ýkraina, Chehiia, Polsha jáne Bolgariiada Covid-19 virýsyna shaldyǵýdyń jańa jaǵdailarynyń kún saiynǵy rekordy jańardy. Biylǵy jyldyń kóktemi men jazynyń basynda, osy tórt memleket qatań karantin sharalaryn jariialady jáne olardaǵy jaǵdai salystyrmaly túrde qolaily boldy. Alaida, qazir infektsiia jańa qarqynmen tarala bastady.
Ýkrainanyń Densaýlyq saqtaý ministrligi ótken táýlikte elde Covid-19 juqtyrýdyń 4753 jańa jaǵdaiy tirkelgenin jáne qazirgi ýaqytta koronavirýspen aýyratyndardyń jalpy sany 128,7 myń adamdy quraitynyn habarlady. Sonymen qatar, pandemiia kezinde Ýkrainada koronavirýstyń 239,3 myń rastalǵan jaǵdaiy tirkeldi, 4,6 myń naýqas qaitys boldy.
Chehiia bir táýlikte koronavirýsqa shaldyǵýdyń 4457 jańa jaǵdaiy tirkelgenin habarlady.
Polshada 303 adam aýyrǵan, 75 naýqas kóz jumǵan. Ólim jaǵdailary boiynsha aldyńǵy rekord dúisenbi kúni ornaǵan edi. Ol kezde 58 adam qaitys bolǵan.
Bolgariiada aýrý juqtyrýdyń 46 jańa jaǵdaiy jáne segiz ólim oqiǵasy tirkeldi.
Seisenbiden bastap Parijde kúsheitilgen karantindik sharalar qoldanyla bastady. Frantsiia astanasyndaǵy barlyq barlar, basseinder men sport zaldary jabyldy (buǵan deiin Marselde osyndai sharalar engizilgen). Alaida, sársenbide bilik Parij mańyndaǵy Il-de-Frans aimaǵynda reanimatsiia bólimshelerinde Covid-19 juqtyrǵan 449 patsient bar dep habarlady. Osylaisha intensivti terapiianyń jergilikti palatalaryndaǵy barlyq orynnyń 40%-y toldy.
Shotlandiia biligi Ulybritaniianyń osy bóliginiń ortalyq aimaqtaryndaǵy epidemiologiialyq jaǵdaidyń nasharlaýyna bailanysty barlyq pabtar men meiramhanalar jabylatynyn málimdedi.
Juma kúninen bastap qoldanylatyn shekteýler Shotlandiianyń eń kóp qonystanǵan aimaqtaryna, sonyń ishinde Edinbýrg pen Glazgoǵa da qatysty bolmaq.
