ەۋروپادا كوروناۆيرۋس جىلدام تاراپ جاتىر.
سەيسەنبٸدە بٸردەن شىعىس ەۋروپانىڭ تٶرت مەملەكەتٸندە, سونىڭ ٸشٸندە ۋكراينادا كوروناۆرۋس جۇقتىرۋ جاعدايلارىنىڭ رەكوردتىق سانى تٸركەلدٸ. پاريجدە قارقىندى تەراپييا پالاتالارىندا بوس ورىندار سانى از, ال شوتلاندييا مەن بەلگييادا پابتار جابىلۋدا, دەپ حابارلايدى ۆۆس اگەنتتٸگٸ.
دجونس حوپكينس ۋنيۆەرسيتەتٸنٸڭ مەلٸمەتٸ بويىنشا ەلەمدە Covid-19 جۇقتىرعاندار سانى 35,8 ملن ادامعا جەتتٸ, ميلليوننان استامى كٶز جۇمدى. پاندەمييا ۋاقىتىندا 25 ملن-نان استام پاتسيەنت ساۋىعىپ شىقتى.
اۋرۋدىڭ تارالۋى بويىنشا اقش كٶش باستاپ تۇر. مۇندا 7,5 ملن ادامعا كوروناۆيرۋس دياگنوزى قويىلعان.
ۋكراينا, چەحييا, پولشا جەنە بولگارييادا Covid-19 ۆيرۋسىنا شالدىعۋدىڭ جاڭا جاعدايلارىنىڭ كٷن سايىنعى رەكوردى جاڭاردى. بيىلعى جىلدىڭ كٶكتەمٸ مەن جازىنىڭ باسىندا, وسى تٶرت مەملەكەت قاتاڭ كارانتين شارالارىن جارييالادى جەنە ولارداعى جاعداي سالىستىرمالى تٷردە قولايلى بولدى. الايدا, قازٸر ينفەكتسييا جاڭا قارقىنمەن تارالا باستادى.
ۋكراينانىڭ دەنساۋلىق ساقتاۋ مينيسترلٸگٸ ٶتكەن تەۋلٸكتە ەلدە Covid-19 جۇقتىرۋدىڭ 4753 جاڭا جاعدايى تٸركەلگەنٸن جەنە قازٸرگٸ ۋاقىتتا كوروناۆيرۋسپەن اۋىراتىنداردىڭ جالپى سانى 128,7 مىڭ ادامدى قۇرايتىنىن حابارلادى. سونىمەن قاتار, پاندەمييا كەزٸندە ۋكراينادا كوروناۆيرۋستىڭ 239,3 مىڭ راستالعان جاعدايى تٸركەلدٸ, 4,6 مىڭ ناۋقاس قايتىس بولدى.
چەحييا بٸر تەۋلٸكتە كوروناۆيرۋسقا شالدىعۋدىڭ 4457 جاڭا جاعدايى تٸركەلگەنٸن حابارلادى.
پولشادا 303 ادام اۋىرعان, 75 ناۋقاس كٶز جۇمعان. ٶلٸم جاعدايلارى بويىنشا الدىڭعى رەكورد دٷيسەنبٸ كٷنٸ ورناعان ەدٸ. ول كەزدە 58 ادام قايتىس بولعان.
بولگارييادا اۋرۋ جۇقتىرۋدىڭ 46 جاڭا جاعدايى جەنە سەگٸز ٶلٸم وقيعاسى تٸركەلدٸ.
سەيسەنبٸدەن باستاپ پاريجدە كٷشەيتٸلگەن كارانتيندٸك شارالار قولدانىلا باستادى. فرانتسييا استاناسىنداعى بارلىق بارلار, باسسەيندەر مەن سپورت زالدارى جابىلدى (بۇعان دەيٸن مارسەلدە وسىنداي شارالار ەنگٸزٸلگەن). الايدا, سەرسەنبٸدە بيلٸك پاريج ماڭىنداعى يل-دە-فرانس ايماعىندا رەانيماتسييا بٶلٸمشەلەرٸندە Covid-19 جۇقتىرعان 449 پاتسيەنت بار دەپ حابارلادى. وسىلايشا ينتەنسيۆتٸ تەراپييانىڭ جەرگٸلٸكتٸ پالاتالارىنداعى بارلىق ورىننىڭ 40%-ى تولدى.
شوتلاندييا بيلٸگٸ ۇلىبريتانييانىڭ وسى بٶلٸگٸنٸڭ ورتالىق ايماقتارىنداعى ەپيدەميولوگييالىق جاعدايدىڭ ناشارلاۋىنا بايلانىستى بارلىق پابتار مەن مەيرامحانالار جابىلاتىنىن مەلٸمدەدٸ.
جۇما كٷنٸنەن باستاپ قولدانىلاتىن شەكتەۋلەر شوتلاندييانىڭ ەڭ كٶپ قونىستانعان ايماقتارىنا, سونىڭ ٸشٸندە ەدينبۋرگ پەن گلازگوعا دا قاتىستى بولماق.
