AQSh-taǵy Djon Hopkins ýniversitetiniń dereginshe, 9 sáýirde álemde koronavirýstyń jańa túrin juqtyrǵandar sany 1,5 millionǵa jetti. Koronavirýstan týyndaityn Covid-19 dertinen 90 myńdai adam qaitys boldy. 337 myń naýqas dertten aiyqty.
Virýs juqtyrǵandardyń 432 myńnan astamy AQSh-ta. Bul elde 14700-den astam adam qaitys boldy. AQSh biligi aldaǵy bir-eki apta el úshin óte qiyn bolady dep boljaǵan.
Ispaniiada 152 myńnan astam adamnan virýs tabyldy. 15238 adam qaitys boldy. Bul elde virýs juqtyrǵandar sany sál azaiǵan. Ótken kúnderi 6-7 myń bolsa, 8 sáýirde 5756 adamnan virýs anyqtaldy.
Italiiada virýs juqtyrǵandar men qaitys bolǵandar sany birneshe kún boiy túsip keledi. Ótken aptalarda 6-7 myń adamnan virýs tabylyp júrgen. Keiingi eki kúnde 3-4 myńnyn arasynda. Al 7 sáýirde 604 qaitys bolsa, 8 sáýirde 542 adam kóz jumdy.
Qazir virýs juqtyrǵandar Germaniia (113 myńnan asa), Frantsiia (83 myńnan asa), Iran (64 myńnan astam), Ulybritaniiada (61 myńnan asty) jáne Túrkiiada (38 myńnan astam) azaimai tur.
