2022 jyly álemdegi 263 mln adam kedeilikke tap bolýy múmkin. Bul týraly Oxfam halyqaralyq birlestiginiń baiandamasynda aitylǵan, dep habarlaidy QazAqparat tilshisi uiymǵa silteme jasap.
Oxfam-nyń «Birinshi daǵdarys, sodan keiin apat» baiandamasynda Ýkrainadaǵy jaǵdai men COVID-19 koronavirýs pandemiiasynan bolǵan teńsizdik, azyq-túlik pen energiia baǵasynyń buryn-sońdy bolmaǵan infliatsiiasy álemdegi eń kedei adamdar úshin «apat» ákeletini aitylǵan.
Sonymen, Dúniejúzilik banktiń boljamdary men Jahandyq damý ortalyǵynyń zertteýlerine negizdelgen jańa baǵalaýlar 2022 jyly tórtten bir milliardtan astam adam kedeilikke ushyraýy múmkin jáne kúnine 1,90 dollardan az kirisi bar 860 million adam bar. Sonymen qatar, pessimistik boljamdar boiynsha, biyl kúnine 5,50 dollar tabysy bar 3,3 mlrd adam kedeilik sheginen tómen ómir súrýi múmkin, bul álem halqynyń jartysyn quraidy.
Baiandamada «Úlken jiyrmalyq», HVQ kóshbasshylary jáne Dúniejúzilik bank shuǵyl shara qoldanbasa, azyq-túlik pen energiia baǵasynyń sharyqtaýy, Ýkrainadaǵy jaǵdaiǵa bailanysty infliatsiia, sondai-aq teńsizdik pen koronavirýs pandemiiasy siiaqty daǵdarys qubylystary osy jyly álem halqynyń tórtten birin kedeilikke ákelýi múmkin ekeni atap ótilgen.
