2022 جىلى ەلەمدەگٸ 263 ملن ادام كەدەيلٸككە تاپ بولۋى مٷمكٸن. بۇل تۋرالى Oxfam حالىقارالىق بٸرلەستٸگٸنٸڭ بايانداماسىندا ايتىلعان, دەپ حابارلايدى قازاقپارات تٸلشٸسٸ ۇيىمعا سٸلتەمە جاساپ.
Oxfam-نىڭ «بٸرٸنشٸ داعدارىس, سودان كەيٸن اپات» بايانداماسىندا ۋكرايناداعى جاعداي مەن COVID-19 كوروناۆيرۋس پاندەميياسىنان بولعان تەڭسٸزدٸك, ازىق-تٷلٸك پەن ەنەرگييا باعاسىنىڭ بۇرىن-سوڭدى بولماعان ينفلياتسيياسى ەلەمدەگٸ ەڭ كەدەي ادامدار ٷشٸن «اپات» ەكەلەتٸنٸ ايتىلعان.
سونىمەن, دٷنيەجٷزٸلٸك بانكتٸڭ بولجامدارى مەن جاھاندىق دامۋ ورتالىعىنىڭ زەرتتەۋلەرٸنە نەگٸزدەلگەن جاڭا باعالاۋلار 2022 جىلى تٶرتتەن بٸر ميللياردتان استام ادام كەدەيلٸككە ۇشىراۋى مٷمكٸن جەنە كٷنٸنە 1,90 دوللاردان از كٸرٸسٸ بار 860 ميلليون ادام بار. سونىمەن قاتار, پەسسيميستٸك بولجامدار بويىنشا, بيىل كٷنٸنە 5,50 دوللار تابىسى بار 3,3 ملرد ادام كەدەيلٸك شەگٸنەن تٶمەن ٶمٸر سٷرۋٸ مٷمكٸن, بۇل ەلەم حالقىنىڭ جارتىسىن قۇرايدى.
باياندامادا «ٷلكەن جيىرمالىق», حۆق كٶشباسشىلارى جەنە دٷنيەجٷزٸلٸك بانك شۇعىل شارا قولدانباسا, ازىق-تٷلٸك پەن ەنەرگييا باعاسىنىڭ شارىقتاۋى, ۋكرايناداعى جاعدايعا بايلانىستى ينفلياتسييا, سونداي-اق تەڭسٸزدٸك پەن كوروناۆيرۋس پاندەميياسى سيياقتى داعدارىس قۇبىلىستارى وسى جىلى ەلەم حالقىنىڭ تٶرتتەن بٸرٸن كەدەيلٸككە ەكەلۋٸ مٷمكٸن ەكەنٸ اتاپ ٶتٸلگەن.
