Memleket basshysynyń atyna Qazaqstan Respýblikasynyń Táýelsizdik kúnine orai joldanǵan jedelhattar kelip túsýde, dep habarlaidy Aqorda.
Qasym-Jomart Toqaevtyń atyna Qazaqstan Respýblikasynyń Táýelsizdik kúnine orai shet elderdiń basshylary men halyqaralyq uiymdardan quttyqtaý hattar men jedelhattar kelip túsip jatyr.Resei Federatsiiasynyń Prezidenti Vladimir Pýtin Memleket basshysy Qasym-Jomart Toqaevty Táýelsizdik merekesimen quttyqtady.
«Sizdiń elińizdiń áleýmettik-ekonomikalyq, ǵylymi-tehnikalyq jáne basqa da salalardaǵy jetistikteri jalpyǵa málim. Qazaqstannyń álemdik arenada bedeli biik, aimaqtyq jáne halyqaralyq kún tártibindegi ózekti máselelerdi sheshýde syndarly ról atqarady. Memleketterimiz arasyndaǵy qarym-qatynas strategiialyq áriptestik jáne odaqtastyq rýhynda jyldam damyp keledi. Ártúrli baǵyttar boiynsha ekijaqty yntymaqtastyq, sondai-aq, Eýraziialyq integratsiialyq protsester aiasyndaǵy úilestirý sharalary da oń nátijesin berýde», – delingen quttyqtaý hatynda.Vladimir Pýtin Qasym-Jomart Toqaevqa zor densaýlyq, tabys, al Qazaqstan halqyna baq-bereke tiledi.
Qytai Halyq Respýblikasynyń Tóraǵasy Si Tszinpin Qazaqstan Táýelsizdiginiń 28 jyldyǵyna orai, Qytai Úkimeti men halqynyń jáne jeke óziniń atynan quttyqtaý joldady. «Men qytai-qazaq qarym-qatynasynyń damýyna úlken mán beremin.
«Bir beldeý, bir jol» jobasyn birlesip júzege asyrý úshin elderimiz ben halqymyzdyń igiligi jolynda zor tabystarǵa Ózińizben birlesip jetýge daiynmyn», – dep jazǵan quttyqtaý hatynda.
Si Tszinpin Qazaqstan halqyna ósip-órkendeý tiledi.
Ulybritaniia Korolevasy Elizaveta II Qazaqstan Prezidenti Qasym-Jomart Toqaevty Táýelsizdik kúnimen quttyqtady.
«Joǵary Mártebeli, Sizdi ulttyq merekeńizben zor rizashylyqpen quttyqtai otyryp, Qazaqstan halqyna baqyt pen órkendeý tileimin», – delingen jedelhatta.
Birikken Arab Ámirlikteriniń Prezidenti Halifa Ben Zaid Ál Nahaian: «Sizdi jáne dostas halqyńyzdy Táýelsizdik kúnimen shyn júrekten quttyqtaimyn. Joǵary Mártebeli, Sizge zor densaýlyq, baqyt pen sáttilik, al dostas halqyńyzǵa igilik pen yrys tileimin», – dep quttyqtaý joldady.
Ózbekstan Respýblikasynyń Prezidenti Shavkat Mirziioev óziniń jáne baýyrlas ózbek halqynyń atynan quttyqtady.
«Biz baýyrlas Qazaqstannyń qoǵamdyq-saiasi jáne áleýmettik-ekonomikalyq damýyndaǵy jáne halyqaralyq arenadaǵy abyroiynyń kún sanap artýyna shyn júrekten qýanyshtymyz. Ózbek-qazaq qarym-qatynasynda barlyq sala boiynsha joǵary senim men ózara túsinistik qalyptasqan. Sizdi jáne Qazaqstan halqyn Táýelsizdik merekesimen quttyqtaimyn», – delingen jedelhatta.
Qyrǵyzstan Respýblikasynyń Prezidenti Sooronbai Jeenbekov Qasym-Jomart Toqaev pen Qazaqstan halqyn Táýelsizdik merekesimen quttyqtap: «Qyrǵyzstan men Qazaqstan arasyndaǵy strategiialyq seriktestik, dostyq, odaqtastyq, tatý kórshilik qatynastar budan bylai da nyǵaia beretinine senim bildiremin», – dep jazǵan.
Sondai-aq Tájikstan Prezidenti Emomali Rahmon, Túrkimenstan Prezidenti Gýrbangýly Berdimuhamedov, Ázerbaijan Prezidenti Ilham Áliev elimizdi Táýelsizdik merekesimen quttyqtap, jedelhattaryn joldady.
Ýkraina Prezidenti Vladimir Zelenskii Qasym-Jomart Toqaevqa: «Saiasi-ekonomikalyq jáne qaýipsizdik máselelerin sheshe otyryp, Qazaqstan Respýblikasy aimaqtaǵy kóshbasshy jáne álemdik arenada abyroily memleketke ainaldy. Joǵary Mártebeli, Sizge zor densaýlyq, kúsh-qýat, dostas Qazaqstan halqyna beibitshilik, bereke men órkendeý tileimin», – dep izgi nietin joldaǵan.
Koreia Respýblikasynyń Prezidenti Mýn Chje In óziniń quttyqtaý jedelhatynda «Qazaqstan men Koreia arasyndaǵy dostyq qatynastar túrli saladaǵy tyǵyz yqpaldastyqtyń arqasynda turaqty damyp keledi. Atap aitqanda joǵary deńgeidegi belsendi is-qimyldardyń, sonyń ishinde meniń biylǵy saparymnyń nátijesinde eki eldiń dostyq qatynastary nyǵaia túskenine qýanyshtymyn»,– delingen.
Sonymen qatar Qazaqstan Táýelsizdiginiń 28 jyldyǵyna orai, Qasym-Jomart Toqaevtyń atyna Niderland Koroli Villem-Aleksandr, Malaiziia Koroli Sultan Abdýlla Riiatýddin Ál-Mustafa Billah, Belgiia Koroli Filipp, Shvetsiia Koroli Karl Gýstav, Aýǵanstan Islam Respýblikasynyń Prezidenti Mohammad Ashraf Ǵani, Cheh Respýblikasynyń Prezidenti Milosh Zeman, Majarstan Prezidenti Ianosh Ader, Tailand Koroldiginiń Premer-Ministri Praiýt Chan-Ocha, Horvatiia Prezidenti Kolinda Grabar-Kitarovich, Bolgariia Prezidenti Rýmen Radev, Livan Respýblikasynyń Prezidenti Mishel Aýn, Latviia Respýblikasynyń Prezidenti Egils Levits, Irak Respýblikasynyń Prezidenti Barham Saleh, Grekiia Respýblikasynyń Prezidenti Prokopis Pavlopýlos, Kanadanyń General-gýbernatory Jiýli Paiett, Ábý-Dabidiń murager hanzadasy Muhammed ibn Zaid Ál Nahaian, TMD Atqarý komitetiniń tóraǵasy – Atqarýshy hatshysy Sergei Lebedev, Islam yntymaqtastyǵy uiymynyń Bas hatshysy Iýsef Ál-Oseimen, Birikken Arab Ámirlikteriniń vitse-prezidenti, Premer-ministr, Dýbai ámirliginiń bileýshisi Muhammed Ben Rashid Ál Maktým, Ujymdyq qaýipsizdik sharty uiymy Bas hatshysynyń mindetin atqarýshy Valerii Semerikovten quttyqtaý jedelhattary keldi.
